Adirai Youth Development Association (AYDA)

death news

2011-12-21T16:36:00.000+03:00

ஹஜ் 2011, ஹாஜிகள் உதவிப் பணியில் India Fraternity Forum தொண்டர்கள!

2011-11-09T17:12:00.005+03:00

ஹஜ் 2011 புனிதக்கடமை துல்ஹஜ் பிறை 13 உடன் கிட்டதட்ட முடிவுக்கு வந்துவிட்டது.

சுமார் 5,6 நாட்கள் நடக்கும் இந்த புனித கடமைக்கு நிறைய தன்னார்வலர்கள் தன்னால் ஆன உதவியை ஹாஜிகளுக்கு வழங்கி தன் ஆத்ம திருப்தியை அடைவதோடு ஹாஜிகளின் துஆ வில் தங்களையும் பயன் படுத்திக் கொள்கின்றனர்.

அந்த வகையில் India Fraternity Forum என்ற தன்னார்வல அமைப்பு ஹாஜிகளுக்கு உதவுவதில் தனி அங்கம் வகிக்கிறது.

ஹஜ் களத்தில் அங்கும் இங்குமாக பிரிந்து சிதறி கிடக்கும் ஹாஜிகளுக்கு, அந்த புனித இடத்தின் புதிய தோற்றம், மலைகள், குறுக்கும் நெடுக்குமான பாதைகள், அளவுக்கு அதிகமான மக்கள் கூட்டம், புதிய பாஷை(மொழி) போன்ற புதிய அனுபவம். ஹாஜிகளை கொஞ்சம் திக்குமுகாட வைத்துவிடும். இதுபோன்று தடுமாறிக்கொண்டு இருக்கும் ஹாஜிகளுக்கு உதவுவதற்காக, களம் இறங்கி இவ்வமைப்பு களப் பணி ஆற்றுகிறது.

தமிழ்நாடு,கேரளா, ஹைதராபாத், கர்நாடகா, இன்னும் சில மாநிலங்களை சார்ந்த தொண்டர்கள் இச்சேவையில் முக்கிய அங்கம் வகிக்கின்றனர்.

காணாமல் போன நமதூர் ஹாஜிகள் சிலரை அவரவர் இருப்பிடத்திற்கு கொண்டு சென்று விட்டதில் இவ்வமைப்பினர் முக்கிய பங்கு வகித்தனர்.

ஹஜ் அரஃபா நேரலை

2011-11-05T11:51:00.001+03:00

Wait upto 1 minute to Watch Islam Tv Live

புனித மினாவில் ஹாஜிகள்!

2011-11-04T15:03:00.001+03:00

புனித ஹஜ் கடமையை நிறைவேற்ற உலகெங்கிலுமிருந்து வந்துள்ள ஹாஜிகள் மக்காவிலிருந்து மினாவை நோக்கி நேற்று முதல் நகர தொடங்கி விட்டனர்.

ஹஜ் கமிட்டி மற்றும் இதர ட்ராவல் நிருவனங்களின் மூலம் நம்தூரிலிருந்து வந்துள்ள ஹாஜிகள் அனைவரும் மினாவில் நல்ல படியாக உள்ளனர். இன்ஷா அல்லாஹ் நாளை சனிக்கிழமை (துல் ஹஜ் பிறை 9) ஹஜ்ஜின் முக்கிய தினமான, அரஃபா தினத்தில் அணைத்து ஹாஜிகளும் சுபுஹு தொழுகைக்கு பிறகு அரஃபா மைதானைத்தை நோக்கி பயனிப்பர்.

அதிரை பேரூராட்சி தலைவர் S.H.அவர்களுக்கு அய்டாவின் வாழ்தறை , மற்றும் வேண்டுகோள்!

2011-10-25T11:43:00.004+03:00

பேரூராட்சி தலைவர் சகோ.S.H.அஸ்லம் அவர்களுக்கும், மற்றும் 21 வார்டு உறுப்பினர்களுக்கும், அய்டா (ஜித்தா)வின் பாராடுக்களும், வாழ்த்துக்களும் சில வேண்டுகோள்களும். (காணொளி).

பேரூராட்சி தலைவர் சகோ.அஸ்லம் அவர்களுக்கு அய்டாவின் வாழ்துரைகளும் வேண்டுகோள்களும், (காணொளி)!

2011-10-25T11:43:00.000+03:00

அய்டாவின் தன்னிலை விளக்கம்!

2011-10-18T00:10:00.001+03:00

அஸ்ஸலாமு அலைக்கும்,

அய்டா என்பது பொது நல அமைப்பாக இருந்தாலும், ஒரு பொதுவான நல்ல தலைவரை தேர்ந்து எடுக்க எப்படிஒவ்வொருவருக்கும் உரிமை இருக்கி--றதோ அதே உரிமை,அய்டா மட்டும் அல்ல,அய்டா போன்ற அனைத்துபொதுநல அமைப்புகளுக்கும் தலையாய கடமையாகும்.

நிற்க, ஆரம்பத்திலிருந்து இன்றுவரை அய்டா எந்த ஒரு நிறுவனத்தின் கிளையாக இருந்ததில்லை/இருக்கவில்லை. மாறாக AYDA முழு சுதந்திரத்தோடு அனைத்து தரப்பட்ட அதிரைவாசிகளின் நலனுக்காகத்தான் இருக்க விரும்புகிறது. அது மட்டுமல்லாது கடந்த 5 வருடங்களாக அதிரை பைத்துல்மாலுக்கு உதவி செய்ததைவிட மற்ற தொண்டு நிறுவனகளுக்குதான் பல மடங்கு அதிகமாக உதவி இருக்கிறோம்.

AYDAவின் தேர்தல் நிலைப்பாடு ஒரு சில மக்களுக்கு கவலையான மற்றும் குழப்பமான சூழ்நிலை ஏற்படுத்திவுள்ளது என்பது ஓரளவு உண்மை என்றாலும், ஒட்டு மொத்த அதிரை மக்களும் கீழ்கண்ட குழப்பமான சூழ்நிலைக்கு தள்ளப்பட்டதால்தான், நாங்களும் இதில் கொஞ்சம் கூடுதல கவனம் செலுத்த வேண்டி இருந்தது.

ஷம்சுல் இஸ்லாம் சங்கம் நமதூர் மக்கள் நலன் கருதி வரக்கூடிய தேர்தலில் நம்மில் ஒருவரை முன்னிறுத்தி ஒரே கோட்டில் எல்லோரையும் நிற்க வைக்கும் முயற்சியில் இறங்கிய அடுத்த கணமே, போட்டா போட்டி கொண்டு தன்னிடம் உள்ள செல்வாக்கு மற்றும் பண பலத்தை வைத்து எல்லா அரசியல் கட்சியின் கதவையும் தட்டி, ஒரு வழியாக ஒவ்வொருவரும் மாநிலத்தின் பலம் வாய்ந்த கட்சியில் சீட்டு வாங்கி, ஷம்சுல் இஸ்லாம் சங்க நிர்வாகிகளுக்கு தர்ம சங்கடத்தை ஏற்படுத்தினார்கள். அப்படி செல்வாக்கு மற்றும் பண பலம் இல்லாவிட்டால் அந்த பலம் வாய்ந்த கட்சியிளில் சீட்டு கிடைத்திருக்குமா என்றால் அது கேள்விக்குறியே! அதோடு அல்லாமல் பலம் வாய்ந்த ஷம்சுல் இஸ்லாம் சங்கத்தில் உட்பட்டவர்கள் என்பதால் தான், தமக்கு பெரிய கட்சிகளின் சீட்டு கிடைத்தது என்று அவர்களுக்கும் நன்றாக தெரியும்.

கடந்த 40 வருடமாக நமதூரை ஆட்சி செய்தவர்களும் அரசியல் வாழ்க்கை நடத்தியவர்களும் பெயர் சொல்லும் அளவுக்கு பெரிதாக ஒன்றும் செய்யவில்லை. மாறாக தேவையற்ற பிரச்சனைகளை தான் அதிகமாக கிளப்பி விட்டு இருக்கிறார்கள். ஆனால் நமதூரில் அரசியலுக்கு அப்பாற்பட்டவர்கள்தான் ஏதோ வந்தோம் இருந்தோம் என்றில்லாமல் கல்வி, வணக்கஸ்தலம், மருத்துவமனை, மின்சாரம், இன்னும் பல எத்தனையோ அடிப்படை தேவைகளை பூர்த்தி செய்ய மிகப்பெரும் தூணாக நின்று செய்தார்கள். அப்படியும் ஊர் நன்மைக்காக தானாக முன்வந்து செய்யகூடியவர்களை கட்சிக்காரர்கள் முழு ஒத்துழைப்பு கொடுத்தார்களா என்றால் அதுவும் இல்லை, மாறாக எங்களை மதிக்கவில்லை என்று சொல்லி மழுப்பி விடுகிறார்கள். காரணம், கட்சிகாரர்கள், காண்ட்ராக்ட்காரர்கள், வட்ட, மாவட்ட தலைவர், மற்றும் MLA க்களுக்கு விருந்து கொடுத்து திருப்தி படுத்தவே நேரம் சரியாக இருக்கும். அவ்வழியே புதிதாக அரசியலில் நுழைந்திருக்கும் நம்மவர்களிடமும் எப்படி நாம் ஒரு புது மாற்றத்தை எதிர்பார்க்க முடியும்.

அதனால் அந்த வகையில் சகோ. முனாஃப் என்று, ஒருதலை பட்சமாக இல்லாமல் 40 வருடத்திற்கு பிறகாவது ஒரு சுயேச்சை வேட்பாளரை தேர்தெடுக்க ஒரு புதிய முயற்சியை கையாள்வோம், என்பது மட்டுமல்லாமல் வருங்காலத்தில் வரக்கூடிய தேர்தலில் 70 வருட பாரம்பரியமிக்க ஷம்சுல் இஸ்லாம் சங்கம் மற்றும் இதர சங்கங்களையும் மதிப்பளிக்க கூடிய மனிதரைத்தான் பஞ்சாயத்து தலைவராக தேர்ந்த்டுப்போம் என்பதன் தொடக்கம் தான் இது.

அதைவிட கட்சியின் சார்பாக நிற்பவர்கள் நமதூர் மக்களுக்கு பண பட்டுவாடா செய்து சுயமரியாதையுடன் வாழும் நம் ஒவ்வொருவரையும் கேவலப்படுத்தி இருக்கிறார்கள். இந்த வகையில் சகோ. முனாப் அவர்கள் தேர்தல் கமிஷனுக்கு உட்பட்ட பணத்தை மட்டும் செலவு செய்து அவர் எளிமையாக வாக்கு சேகரிக்கிறார். அதனால் தான் ஹராம் ஹலால் பேனக்கூடியவர் என்று குறிப்பிட்டோம். அப்படி ஒரு வேலை சகோ. முனாபும் பணப்பட்டுவாடா செய்து ஆடம்பரமாக வாக்கு சேகரித்திருந்தால் நாங்கள் (சுயேச்சை வேட்பாளரான) முனாஃபுக்காக மக்களிடம் கேட்ட வாக்கை, அல்லாஹ்வின் மீது சத்தியமாக திரும்ப பெற தயாராக இருக்கிறோம்.

நிற்க, கண்டிப்பாக நாம் யாராவது ஒரு வேட்பாளரை மறைமுகமாக ஆதரிக்கத்தான் போகிறோம், ஊர் ஒற்றுமை என்ற பெயரில் இரட்டை வேடம் போடுவதில் அர்த்தமில்லை, (ஓட்டு கேட்டு வரும் அனைத்து வேட்பாளர்களிடமும்உங்களுக்குத்தான் எங்கள் ஓட்டு என்று சொல்லிவிட்டு முனாஃபிக் தனமாகஒருவருக்கு மட்டும் தான் ஓட்டுபோடப்போகிறோம், பாவம் அந்த வேட்பாளர் தான் அறியமாட்டார் ஆனால் நம்மை படைத்த இறைவன்நன்கறிவான்) எனவே உள் ஒன்று வைத்து புறம் ஒன்று சொல்வதில் அய்டாவுக்கு உடன்பாடு இல்லை.

குறிப்பு:

நாங்கள் எந்த வேட்பாளரையும் குறைகூறவில்லை. 'எல்லோரும் சிறந்--தவர்களே' என்றே சொல்லியுள்ளோம்.இவரிடம் சற்று நிறை கூடுதல் தெ--ன்படவே ஒருமித்தக் கருத்து ஓங்கியது! அய்டாவின் உறுப்பினர்கள் அனைவருக்கும் அனைத்துவேட்பாளர்களும் ஏதாவது ஒரு வகையில் வேண்டியவர்களாகவும், உறவினர்களாகவுமே இருக்கின்றனர்.. எனினும் ஊர் நலனில் உண்மையான அக்கறை கொண்டு யார் முன்வந்தாலும் 'யாருக்கு பொறுப்பு தரப்பட்டாலும்' அன்புடன்அய்டா பாசமிகு நேசக்கரம் நீட்டும்.

வஸ்ஸலாம்.

AYDA

வழக்குரைஞர் முனாஃப் அவர்களுக்கு வாக்களியுங்கள்

2011-10-16T10:39:00.003+03:00

அஸ்ஸலாமு அலைக்கும் (வரஹ்)
பெருமதிப்பிற்குரிய வாக்கால பெருமக்களே, உங்கள் பொன்னான வாக்குகளை உங்கள் கண்ணான வேட்பாளருக்கு அளிக்க இருக்கும் இத்தருணத்தில் கடல்கடந்து, உற்றார் உறவினரை துறந்து தூர தேசங்களில் பொருளீட்டும் நோக்கில், சவுதியில் புனித மக்காவிற்கும், மதீனாவிற்கும், அருகில் உள்ள, ஜித்தாவில் வசித்து வரும் AYDA (அதிரை இளைஞர் மேம்பாட்டுக் கழகம்) ஊர் மக்களிடம் ஒரு வேண்டுகோளை வைக்கிறோம்.
கடந்த 20 வருடங்களாக, ஒரு குழுமமாக இயங்கி வரும் நாங்கள்(அய்டா), ஊர் நலனில் அக்கறை கொண்டு நல்ல பல திட்டங்களுக்கு உறுதுணையாக இருந்து பல தர்ம காரியங்களை அல்லாஹ்வுக்காக செய்து வருகிறோம்.

மேலும் அதிரை பைத்துல்மால் உருவாவதற்க்கு முக்கிய காரணியாகவும் அதன் வளர்ச்சியில் தொன்று தொட்டு தோள் கொடுத்து வருகிறோம்.
தற்போதைய உள்ளாட்சி தேர்தலில் நமதூரின் தலைவர் பதவிக்கு நமது சகோதரர்கள் பலர் போட்டியிடுகின்றனர். அவர்கள் அனைவரும் சிறப்பானவர்களே, எனினும் அவர்களில் நமது சகோதரர் வழக்குறைஞர். A முனாஃப் அவர்கள் ஊர் தலைவர் பொருப்புக்கு மிகச் சிறந்தவர் ஆவார் ஏனெனில்,

ஹராம், ஹலால் பேணக்கூடிய படித்த பண்பாளர்.
பொது வாழ்வில் இளம் பிராயத்திலிருந்தே தன்னை ஈடுபடுத்திக் கொண்டவர்.
எளிய அணுகுமுறை கொண்ட இனிய நண்பர்.
உள்ளூரிலேயே உத்தியோகம், ஊர் சேவை என்று உழன்று திரிபவர்.
மற்றுமத அண்பர்களின் மாசற்ற நட்புக்குறியவர்.
வரியவர்களோ, மகளிரோ எந்த நேரத்திலும் அச்சமின்றி சந்திக்க ஏதுவானவர்.
மத்திய, மாநில மற்றும் தொண்டு நிருவனங்களின் அலுவலர்களுடன் நெருக்கமானவர்.

மேற்கண்ட சிறப்பு அம்சங்களை கருத்தில் கொண்டு ஜித்தா வாழ் அதிரைவாசிகள் அனைவரும் வழக்குறைஞர் முனாஃப் அவர்களை, ஆதரிப்பது என்று ஏகோபித்த மனதுடன் எங்கள் பொதுக்குழுவில் முடிவு எடுத்துள்ளோம்.

வாகளிக்க இயலாத வெகு தூரத்தில் இருக்கும் நாங்கள் உங்கள் பொண்ணான வாக்குகளை சிந்தாமல் சிதராமல் வழக்குரைஞர்
A. முனாஃப் அவர்களுக்கு பேரூந்து சின்னத்தில் வாக்களித்து, இந்த நல்ல மனிதரை வெற்றியடைய செய்ய வேண்டுமாய் மிக பணிவன்புடன் கேட்டுக்கொள்கிறோம்.

இங்ஙணம்,

அதிரை இளைஞர் மேம்பாட்டுக் கழகம் - AYDA,
ஜித்தா, சவூதி அரேபியா.

T.R.பாலுவுடன் அதிரை முக்கியஸ்தர்கள் சந்திப்பு!

2011-10-05T10:42:00.004+03:00

நன்றி :- அதிரை பி.பி.சி

ஜகாத் சட்டதிட்டங்கள்

2011-08-15T03:57:00.002+03:00

அய்டாவின் இஃப்தார் அழைபிதழ்

2011-08-07T02:52:00.002+03:00

அஸ்ஸலாமு அலைக்கும்

வரும் ரமளான் பிறை 7 (ஆகஸ்ட் 07,.2011) ஞாயிற்றுக்கிழமை மாலை 6 மணிக்கு, தங்களை அதிரை நண்பர்களுடனும்,குடும்பத்தினருடனும் அய்டாவின் இஃப்தார் நிகழ்ச்சிக்கு வருகை தரும்படி அன்புடன் அழைக்கிறோம்

இடம்
இம்பாலா உணவகம் ஷரஃபியா - ஜித்தா

அன்புடன்

அய்டா நிர்வாகிகள்

தென் ஆப்பிரிக்கா கிரிக்கெட் வீர்ர் வெய்ன் பர்னெல் இஸ்லாத்தை தழுவினார்.

2011-07-30T13:14:00.002+03:00

தென் ஆப்பிரிக்கா கிரிக்கெட்டின் இளம் வேகப்பந்து வீச்சாளர் வெய்ன் பர்னெல் இஸ்லாத்தை ஏற்று கொண்டுள்ளார். இன்று 22ம் ஆண்டை அடையும் அவர் இஸ்லாத்தை பற்றிய சில கால ஆராய்ச்சிக்கு பிறகு இம்முடிவை எடுத்ததாக கூறப்படுகிறது.

இது தொடர்பாக பர்னெல் வெளியிட்டுள்ள அறிக்கையில் இவ்வாண்டு ஜனவரி மாதமே தான் இஸ்லாத்தை ஏற்று கொண்டதாகவும் தன் பெயரை வலீத் என மாற்றும் எண்ணமுள்ளதாகவும் தெரிவித்தார். தற்சமயம் வரை தன் பெயரான வெய்ன் தில்லன் பர்னலை மாற்றவில்லை என்றும் எதிர்காலத்தில் புதிதாய் பிறந்த மகன் என பொருள்படும் வலீத் என்ற பெயரை வைக்க நினைப்பதாகவும் தெரிவித்தார்.

மேலும் அவ்வறிக்கையில் தான் முதல் முறையாக ரமலான் மாதத்தை அடைய இருப்பதால் தான் முதன் முறையாக நோன்பு இருப்பதை குறித்து மிக சந்தோஷமாக இருப்பதாகவும் தெரிவித்தார். தென் ஆப்பிரிக்க மக்களும் ஊடகங்களும் தன் கிரிக்கெட் ஆட்டத்தில் காட்டும் ஆர்வத்தை மதிக்கும் அதே வேளையில் எந்நம்பிக்கையை ஏற்பது என்பது தனது தனிப்பட்ட உரிமை என்றும் கூறியுள்ள அவர் அதை மதிக்க வேண்டும் என்றும் கோரிக்கை விடுத்துள்ளார்.

தென் ஆப்பிரிக்க கிரிக்கெட் அணியின் மேலாளர் முஹம்மது மூஸாஜீ பர்னெல் இஸ்லாத்தை ஏற்று கொள்வது அவரின் தனிப்பட்ட விஷயம் என்றும் இவ்விஷயத்தில் தென் ஆப்பிரிக்க கிரிக்கெட்டின் முஸ்லீம் வீர்ர்கள் ஹாஷிம் அம்லா மற்றும் இம்ரான் தாஹிர் ஆகியோர் எவ்வித தாக்கத்தையும் ஏற்படுத்தவில்லை என்றார்.

இது குறித்து கருத்து தெரிவித்துள்ள தென் ஆப்பிரிக்க கிரிக்கெட் வீரர்கள் பர்னெல் இஸ்லாத்தில் தீவிரமாக உள்ளதாகவும் சமீபத்திய ஐ.பி.எல் போட்டியிலிருந்து ஒரு சொட்டு மதுவும் அருந்தவில்லை என்றும் தெரிவித்தனர். இதில் அம்லாவின் பங்கு ஏதுமில்லை என்றாலும் ஹாஷிம் அம்லா மிக கட்டுபாட்டுடனும் தன் மதத்தை பின்பற்றுவதில் காட்டும் உறுதியும் அனைவரையும் ஈர்த்துள்ளது என்றனர். ஹாஷிம் அம்லா இஸ்லாத்தின் ரோல் மாடலாக விளங்குவதாகவும் தெரிவிக்கின்றனர்.

மேலும் மது பரிமாறப்படும் கேளிக்கைகளில் பங்கேற்க மறுப்பது, சுற்றுபயணத்தில் கூட தன் தொழுகைகளில் உறுதியாய் இருத்தல், தென் ஆப்பிரிக்க அணியினரின் ஸ்பான்ஸரான பீர் நிறுவனத்தின் லோகோ பொறிக்கப்பட்ட ஆடையை அணிய மறுப்பது போன்றவைகளின் மூலம் அவரை அறியாமலேயே ஹாஷிம் அம்லா பிறர் இஸ்லாத்தின் மீது நல்லெண்ணம் தோன்ற காரணமாக இருக்கின்றனர் என்றனர். 2006 ஆம் ஆண்டு யூசுப் யோஹன்னவாக இருந்து இஸ்லாத்திற்கு மாறிய முஹம்மது யூசுப்பை தொடர்ந்து இஸ்லாத்தை ஏற்று கொண்ட இரண்டாவது கிரிக்கெட் வீர்ர் பர்னெல் என்பது குறிப்பிடத்தக்கது.

நன்றி

http://inneram.com/

தென் ஆப்பிரிக்கா கிரிக்கெட் வீர்ர் வெய்ன் பர்னெல் இஸ்லாத்தை தழுவினார்.

2011-07-30T13:12:00.000+03:00

மரண அறிவிப்பு.

2011-07-01T09:55:00.000+03:00

அஸ்ஸலாமு அலைக்கும்,

புதுமனை தெருவை சார்ந்த மர்ஹும் முகமது ஸாலிஹ், அவர்களின்மகனும் ,சம்சுல் இஸ்லாம் சங்க தலைவர் ஜனாப் உமர் அவர்களின் மச்சானும்,
அப்துல் லத்திப் ,அமோஜா ட்ராவல்ஸ் தமீம் இவர்களின் மாமனாருமான ஹாஜி முகமது தாஹா இன்று காலை சவுதியிலிருந்து விடுமுறையில் ஊர் சென்றிருந்தபொழுது சென்னைவிமான நிலையத்தில் காலமாகிவிட்டார்கள.
இன்னாளில்லாஹி வ இன்னா இலைஹி ராஜிஊன் إِنَّا لِلَّـهِ وَإِنَّا إِلَيْهِ رَاجِعُونَ

இவர்கள் ஜித்தாவில் உள்ள நிஹாத் அரப் என்ற நிறுவனத்தில் பணிபுரிந்துகொண்டிருந்தார்கள் என்பதும் அய்டாவின் மூத்த ஆலோசகர் ஹாஜி ஜனாப் பஷீர் காக்கா அவர்களின் மச்சான் என்பதும் குறிப்பிடத்தக்கது.

16,00,000

2011-05-17T17:54:00.000+03:00

16,00,000
வாயைப் பிளந்து பயந்துவிடாதீர்கள்.
ஊழலில் சம்பந்தப்பட்ட கோடிகள் அல்ல இந்த எண்ணிக்கை.
நல்ல விஷயம்தான். வரும் ஆண்டு, இதே எண்ணிக்கையில் புதியவேலைவாய்ப்புகள் இந்திய இளைஞர்களுக்கு
கிடைக்கப் போகிறது.

‘வறுமையின் நிறம் சிகப்பு’, ‘பட்டம் பறக்கட்டும்’ – இதெல்லாம் எழுபதுகளின் இறுதியிலும், எண்பதுகளின் தொடக்கத்திலும் எடுக்கப்பட்ட தமிழ்த் திரைப்படங்களின் தலைப்பு. அந்த காலக்கட்டத்தில் சமூகத்தின் மிகப்பெரிய பிரச்சினையாக வேலையில்லாத் திண்டாட்டம் தலைவிரித்து ஆடியது. மேற்கண்ட திரைப்படங்கள், ஊடகங்கள் அப்பிரச்சினையை அக்காலத்தில் பிரதிபலித்ததற்கு சாட்சி.
இன்று யாராவது எனக்கு வேலை கிடைக்கவில்லை என்று சொன்னால் அது சமூகத்தின், தேசத்தின் குற்றமல்ல. சம்பந்தப்பட்ட நபர் மீதுதான் பிரச்சினை இருக்கக்கூடும். வேலையில்லா பட்டதாரி என்கிற சொல்லே வழக்கொழிந்துக் கொண்டிருக்கும் காலக்கட்டத்தில் வாழ்ந்துக் கொண்டிருக்கிறோம்.

சமீபத்தில் வேலைவாய்ப்பு குறித்து எடுக்கப்பட்ட கணிப்பு ஒன்று இந்த கூற்றினை தெளிவாக எடுத்துக் காட்டுகிறது. மனிதவளத் துறையில் இந்தியாவின் முன்னோடி நிறுவனங்களில் ஒன்று மாஃபா ராண்ட்ஸ்டாட். சென்னையை தலைமையகமாக கொண்ட இந்நிறுவனம் வருடா வருடம் வேலைவாய்ப்புச் சந்தை குறித்த துல்லியமான கருத்துக் கணிப்பு ஒன்றினை நடத்தி, வெளியிடுவது வழக்கம்.
கடந்த 2010ஆம் ஆண்டு கருத்துக் கணிப்பில் பத்து லட்சத்துக்கும் மேலான புதிய வேலைகள் உருவாகும் என்று கணித்திருந்தார்கள். 11,31,643 பேருக்கு வேலை கிடைத்தது. அதிகபட்சமாக, சுகாதாரத்துறையில் (Healthcare) 2,54,655 பேருக்கும், விருந்தோம்பல் (Hospitality) துறையில் 1,60,300 பேருக்கும், ரியல் எஸ்டேட் துறையில் 1,29,312 பேருக்கும் வேலை கிடைத்தது. மும்பை, டெல்லி, சென்னை நகரங்கள் மட்டுமே 2,55,797 பேருக்கு வேலைவாய்ப்பு கொடுத்தது என்பது இங்கே குறிப்பிடத்தகுந்த விஷயம்.

இந்த ஆண்டு எப்படி இருக்கும்?

சமீபத்தில் மாஃபா ராண்ட்ஸ்டாட் எடுத்திருக்கும் கணிப்பில் மொத்தமாக பதினாறு லட்சம் புதிய வேலைகள் அமைப்புரீதியான நிறுவனங்களில் உருவாக்கப்படும் என்று தெரியவந்திருக்கிறது. பதிமூன்று தொழில் வகைகள், 650 நிறுவனங்கள், எட்டு பெரிய நகரங்கள் என்று கருத்தில் எடுத்துக்கொண்டு இந்த கணிப்பு வெளியிடப்பட்டிருக்கிறது.
இவ்வாண்டும் சுகாதாரத்துறையே அதிக வேலைகளை தருவதில் முன்னணி வகிக்கும் என்று தெரிகிறது. இத்துறையில் மட்டுமே 2,48,500 புதிய வேலைகள் உருவாகலாம். விருந்தோம்பல் – 2,18,200, ரியல் எஸ்டேட் – 1,44,700, ஊடகம் மற்றும் பொழுதுபோக்கு – 1,26,100, தயாரிப்புத்துறையும் (இயந்திரத் தயாரிப்பு தவிர்த்து) லட்சக்கணக்கில் புதிய வேலைகளை உருவாக்கித் தரும்.
வரும் கல்வியாண்டில் தாங்கள் தேர்ந்தெடுக்க வேண்டிய தொழில்சார்ந்த மேற்படிப்புகளை, மாணவர்கள் அடையாளம் காண ஏதுவாக மாஃபா ராண்ட்ஸ்டாட்டின் கணிப்புகளை துறைவாரியாக கீழே தருகிறோம். ஒவ்வொரு துறை குறித்தும் சுருக்கமான, தீர்க்கமான அறிதலை இதன் மூலம் அனைவரும் பெறலாம். (கீழே வளர்ச்சி என்று குறிப்பிடப் படுவதை, சம்பந்தப்பட்ட துறை வேலைவாய்ப்பில் ஏற்படுத்திய, ஏற்படுத்தப்போகும் வளர்ச்சி என்பதாக அறிக)

வங்கி, நிதி மற்றும் இன்சூரன்ஸ் (Banking Financial Services & Insuranc)

தற்போதைய பணியாளர்கள் : 9,07,960
கணிக்கப்படும் புதிய வேலைகள் : 80,700
நிலையான, நேர்மறையான சிந்தனைகள் நிலவும் துறை. 2010ன் இறுதிக் காலாண்டில் இத்துறையின் சிறப்பான முன்னேற்றம் நம்பிக்கையை தருகிறது. குறுங்கடன், இன்சூரன்ஸ், வணிகத்துக்கு வங்கிக் கடன் என்று ஏறுமுகத்தில் இருக்கும் துறை. வரும் ஆண்டில் 8.9 சதவிகித வளர்ச்சி எதிர்ப்பார்க்கப் படுகிறது.

கல்வி, பயிற்சி மற்றும் ஆலோசனை (Education, Training and Consultancy)
தற்போதைய பணியாளர்கள் : 97,94,000
கணிக்கப்படும் புதிய வேலைகள் : 1,07,500
கல்வித்துறை எப்போதுமே புதிய பணியாளர்கள் தேவைப்படக்கூடிய துறையாகவே விளங்குகிறது. வேலை தொடர்பான கல்வியை விரும்பும் மாணவர்கள் அதிகரித்து வருகிறார்கள். எனவே பயிற்சி மற்றும் ஆலோசனை துறையின் வளர்ச்சி நிச்சயம். இந்த்த் துறைகளில் 1.1 சதவிகித கூடுதல் வளர்ச்சி எதிர்ப்பார்க்கப்படுகிறது.

எரிசக்தி (Energy)

தற்போதைய பணியாளர்கள் : 8,95,500
கணிக்கப்படும் புதிய வேலைகள் : 24,900
கடந்தாண்டு இந்த துறை பெரியவில் சோபித்ததாக தெரியவில்லை (நம்மூரில் கூட மின்வெட்டு மூலம் நீங்களே நேரடியாக உணர்ந்திருக்கலாம்). ஆனால் ஆண்டின் கடைசிக் காலாண்டில், இத்துறை திடீர் சுறுசுறுப்பு பெற்றது. ஆயினும் கடந்தாண்டு பெரும்பாலும் நீடித்த சோம்பல், இவ்வாண்டும் தொடரும் என்றே நிறுவனங்களில் விசாரித்த அளவில் தெரியவருகிறது. புதுப்பிக்கத்தக்க எரிசக்தி ஆற்றலை (Renewable energy) அரசு ஊக்குவித்து வருவதால், இனி வரும் ஆண்டுகளில் இத்துறை விஸ்வரூபம் எடுக்கலாம். இருக்கும் துறைகளிலேயே மிகக்குறைவான புதிய வேலைகளை இத்துறைதான் வரும் ஆண்டில் ஏற்படுத்தும். வளர்ச்சி சதவிகிதம் 2.8 சதவிகிதம்.

சுகாதாரத் துறை (Healthcare)

தற்போதைய பணியாளர்கள் : 33,77,652
கணிக்கப்படும் புதிய வேலைகள் : 2,48,500
நம் நாட்டின் வேலைவாய்ப்புச் சந்தையைப் பொறுத்தவரை சுகாதாரத்துறைதான் சூப்பர்ஸ்டார். கடந்தாண்டு நமக்கு கிடைத்த வேலைகளில் 16 சதவிகிதம் இத்துறையில் மட்டுமே கிடைத்தது. 2012 வாக்கில் 7500 கோடி அமெரிக்க டாலர்கள் அளவிலான வர்த்தக அதிசயத்தை நிகழ்த்தப் போகும் துறை இது (இன்றைய மதிப்பில் 7500 கோடியை 50ஆல் பெருக்கிப் பாருங்கள்). சுகாதாரத் துறையோடு கூடவே மருத்துவக் காப்பீடும் பெருகி வருகிறது. மெட்ரோ நகரங்களை தவிர்த்து, அடுத்தடுத்த நகரங்களில், கிராமங்களிலும் கூட சுகாதாரத்துறையின் சேவை விரிவடைந்து வருவதால் தனியார் மற்றும் அயல்நாட்டு நிறுவனங்களுக்கு இத்துறை மீதான ஆர்வம் அதிகரித்து வருகிறது. மருத்துவ சுற்றுலா மற்றும் மருத்துவம் தொடர்பான மற்ற துறைகளிலும் நிறைய வேலைவாய்ப்புகள் கிடைக்கக்கூடும். 7.4 சதவிகித வளர்ச்சியை இத்துறை கூடுதலாக பெறக்கூடும்.

விருந்தோம்பல் துறை (Hospitality)

தற்போதைய பணியாளர்கள் : 61,11,300
கணிக்கப்படும் புதிய வேலைகள் : 2,18,200
கடந்தாண்டு சக்கைப்போடு போட்ட துறைகளில் இதுவும் ஒன்று. தற்போது ஹோட்டல் கட்டமைப்புகளில் செய்யப்படும் பெரிய முதலீடுகளை வைத்து கணிக்கும்போது, வேலைவாய்ப்புச் சந்தையில் இத்துறை நல்ல அறுவடையை செய்யும் என்று தெரிகிறது. 3.6 சதவிகித வளர்ச்சியை எதிர்நோக்கலாம்.

தகவல் தொழில்நுட்பம் மற்றும் அதைச்சார்ந்த ஏனைய துறைகள் (IT & ITES)
தற்போதைய பணியாளர்கள் : 19,18,865
கணிக்கப்படும் புதிய வேலைகள் : 1,83,000
இந்தியாவில் வேலைவாய்ப்பை கொட்டித் தருவதில் அமைப்புரீதியாக வலுவான துறை இது. கடந்த ஆண்டும் நிறைய இளைஞர்கள் வாழ்வில் மறுமலர்ச்சியை ஏற்படுத்தியது தகவல் தொழில்நுட்பம். தகவல் தொழில்நுட்பத்தை நம்பியோர், நிச்சயம் கைவிடப்படார். 2011ஆம் ஆண்டிலும் நிறைய பேருக்கு இத்துறை வேலைவாய்ப்பைத் தரும். கிராமப்புறங்களில் பெருகிவரும் BPO சேவை, பரவலான வேலைவாய்ப்பை பெருகவைக்கும். 9.5 சதவிகித வளர்ச்சியை காணும்.

உற்பத்தித் துறை – இயந்திரங்கள் மற்றும் கருவிகள் (Manufacturing – machinery & equipment)

தற்போதைய பணியாளர்கள் : 11,34,800
கணிக்கப்படும் புதிய வேலைகள் : 68,400
கடந்தாண்டின் இறுதிக் காலாண்டில் சிறப்பாக செயல்பட்ட இத்துறை, அதே செயல்பாட்டை இவ்வாண்டும் தொடர்ச்சியாக தொடரக்கூடும் என்று எதிர்பார்க்கப் படுகிறது. இத்துறையை சார்ந்திருக்கும் சார்பு நிறுவனங்களின் வளர்ச்சி நம்பிக்கை தரும் விதத்தில் இருக்கிறது. எனினும் கூட நாட்டில் வீங்கிவரும் பணவீக்கம், இத்துறையின் நீண்டகால வளர்ச்சி அடிப்படையில் கவலையளிப்பதாகவே இருக்கிறது. இருப்பினும் வரும் ஆண்டில் 6 சதவிகித வளர்ச்சி நிச்சயம்.

உற்பத்தித் துறை – இயந்திரங்கள் தவிர்த்து (Manufacturing – non machinery)
தற்போதைய பணியாளர்கள் : 45,08,000
கணிக்கப்படும் புதிய வேலைகள் : 2,34,400
மற்ற வளர்ந்த நாடுகளை ஒப்பிடுகையில், இந்தியச் சந்தையின் அபாரமான உள்நாட்டுத் தேவை, இத்துறையை பொருளாதார மந்த நெருக்கடியிலிருந்து அதிவிரைவாக மீட்டிருக்கிறது. அரசின் பொருளாதார அடிப்படைகள் மற்றும் ஊக்கமும் இந்த மீள் எழுச்சிக்கு முக்கியமான காரணம். நுகர்வோர் பொருட்கள், உணவு, டெக்ஸ்டைல்ஸ், தோல் மற்றும் அதைச் சார்ந்தப் பொருட்கள் உள்ளிட்ட உற்பத்தித்துறை ஆகியவை உள்நாட்டுத் தேவையின் அதிகரிப்பால், குறிப்பிடத்தக்க எண்ணிக்கையில் வேலைவாய்ப்புகளை உருவாக்கும் என்று நம்பலாம். வளர்ச்சி சதவிகிதம் 5 ஆக உயரும்.

ஊடகம் மற்றும் பொழுதுபோக்கு (Entertainment & Media)

தற்போதைய பணியாளர்கள் : 13,56,300
கணிக்கப்படும் புதிய வேலைகள் : 1,26,100
2011ன் கடைசி காலாண்டில் திடீரென ஊடகம் மற்றும் பொழுதுபோக்குத் துறையில் ஏராளமான வாய்ப்புகள் இளைஞர்களுக்கு கிடைத்தது. அந்தப் போக்கு இவ்வாண்டும் தொடரும். அந்நிய முதலீட்டுக்கான கட்டுப்பாடுகள், பொருளாதார வளர்ச்சி, நகரமக்கள் பழகிக் கொண்டிருக்கும் டிஜிட்டல் வாழ்க்கை, மக்களுக்கு கிடைக்கும் கூடுதல் வருவாய் பொழுதுபோக்கு அம்சங்களுக்கு செலவிடப்படுவது என்று ஏராளமான காரணிகள் இத்துறையின் போக்கை நிர்ணயிக்கிறது. 9.3 சதவிகித வளர்ச்சியை இத்துறை காணக்கூடும்.

மருந்துத் துறை (Pharma)

தற்போதைய பணியாளர்கள் : 2,84,351
கணிக்கப்படும் புதிய வேலைகள் : 49,400
இந்திய மருந்து உற்பத்தித்துறை சமீப ஆண்டுகளில் சீரான வளர்ச்சியை கண்டுவருகிறது. வரும் சில ஆண்டுகளில் இரண்டு மடங்கு அதிரடி வளர்ச்சியை எதிர்நோக்கலாம். ஒப்பந்த உற்பத்தி மட்டுமே 3000 கோடி டாலராக உயரலாம். ஒப்பத ஆராய்ச்சித்துறை மட்டுமே 600 முதல் 1000 கோடி டாலர் வரையிலான வர்த்தகத்தை செய்யக்கூடும். இவ்வளவு பணம் புழங்குவதால் இத்துறைக்கு கூடுதல் பணியாளர்கள் நிறைய தேவைப்படுவார்கள். 17.2 சதவிகித வளர்ச்சியை வருமாண்டில் இத்துறை பெறக்கூடும்.

ரியல் எஸ்டேட் மற்றும் கட்டுமானம் (Real Estate & Construction)

தற்போதைய பணியாளர்கள் : 8,59,312
கணிக்கப்படும் புதிய வேலைகள் : 1,44,700
நாட்டில் நிலையாகியிருக்கும் பொருளாதார வளர்ச்சியால் இத்துறை மீண்டும் வளர்ச்சிப் பாதையை நோக்கி திரும்பியிருக்கிறது. கடந்தாண்டு நல்ல வளர்ச்சியை அடைந்தபோதும் கூட, அது எதிர்ப்பார்ப்புக்கும் குறைவானதே. மத்திய, மாநில அரசுகள், மற்றும் தனியார் நிறுவனங்கள் பலவும் தற்போது உள்கட்டமைப்பு மேம்பாட்டு திட்டங்களில் பெருமளவு கவனம் செலுத்துவதால், கட்டுமானத்துறை கலக்கிக் கொண்டிருக்கிறது. பெருகிவரும் சில்லறை வர்த்தகம் மற்றும் ஹோட்டல் துறை தொடர்பான புதிய கட்டமைப்பு பணிகளும் அதிக வேலைவாய்ப்புக்கு கைகொடுக்கும். எதிர்ப்பார்க்கப்படும் வளர்ச்சி சதவிகிதம் 16.4
நுகர்வோர், சில்லறை வர்த்தகம் மற்றும் தொடர்பான மற்றைய சேவைகள் (Trade including Customer, Retail and Services)
தற்போதைய பணியாளர்கள் : 8,59,312
கணிக்கப்படும் புதிய வேலைகள் : 1,44,700
உலகப் பொருளாதார வளர்ச்சி, இந்திய ஏற்றுமதியில் ஏற்பட்டிருக்கும் உயர்வு, சர்வதேச வர்த்தகம் மற்றும் சில்லறை வர்த்தகத்தின் குறிப்பிடத்தக்க வளர்ச்சி ஆகியவற்றால் வரும் ஆண்டில் சொல்லிக் கொள்ளும்படியான வேலைவாய்ப்புகளை இத்துறை உருவாக்கித் தரும். 2014ஆம் ஆண்டு வாக்கில் 674.37 பில்லியன் (இந்த தொகையை நூறு கோடியில் பெருக்கிப் பாருங்கள்) அளவுக்கு இந்தியாவின் சில்லறை வர்த்தகம் மட்டுமே இருக்குமாம். பெரிய நிறுவனங்கள், சிறு சிறு நகரங்களில் கூட சில்லறை வர்த்தக கடைகளை, புற்றீசல் மாதிரி உருவாக்கி வருகிறது என்பதும் கணக்கில் கொள்ளப்பட வேண்டிய விஷயம். 5.9 சதவிகித வளர்ச்சி வரும் ஆண்டில் கிடைக்கக் கூடும்.

போக்குவரத்து, சேகரிப்பு மற்றும் தொலைதொடர்பு (Transport, Storage & Communication)

தற்போதைய பணியாளர்கள் : 26,82,600
கணிக்கப்படும் புதிய வேலைகள் : 93,300
2010ஆம் ஆண்டு நன்றாக செயல்பட்ட துறைகள் இவை. துறைமுகத்துறை சொல்லிக் கொள்ளும்படியான வளர்ச்சியைப் பெற இயலவில்லை. ஆனால் ரயில், சாலை, விமானம் ஆகிய போக்குவரத்துகள் பரவாயில்லை. எனவே போக்குவரத்துத் துறை கடந்தாண்டு ஒரு கலவையான வளர்ச்சியையே எட்டியது. தொழில் தொடர்பான சரக்கு போக்குவரத்து அதிகரித்து வருவது இத்துறையின் வளர்ச்சிக்கு கூடுதல் பலம்.
3ஜி அறிமுகம், ஒரே மொபைல் நம்பரை எந்த சேவை வழங்கும் நிறுவனத்துக்கும் மாற்றிக்கொள்ளும் மொபைல் போர்ட்டபிள் வசதி போன்றவை தொலைதொடர்புத் துறையில் கூடுதல் பணிகளை உருவாக்கலாம்.
3.5 சதவிகித வளர்ச்சியை இத்துறைகளில் எதிர்நோக்கலாம்.
இந்தியாவின் பெருநகரவாரியாக, ஒவ்வொரு நகரத்திலும் எவ்வளவு புதிய பணியிடங்கள் வரும் ஆண்டில் உருவாகும்?
அஹமதாபாத் – 7,257
பெங்களூர் – 20,794
சென்னை – 68,134
புதுடெல்லி மற்றும் தேசிய தலைநகரகப் பகுதிகள் – 1,02,616
ஹைதராபாத் – 13,489
கொல்கத்தா – 31,759
மும்பை – 1,02,884
புனே – 14,720
“தொடர்ந்து இரண்டாவது ஆண்டாக இந்தியாவில் பத்துலட்சம் புதிய வேலைவாய்ப்புகள் அமைப்பு சார்ந்த நிறுவனங்களால் உருவாக்கப்படுகிறது என்பது நம் அனைவருக்குமே மகிழ்ச்சியான விஷயம்தான். உலகெங்கும் ஏற்பட்டு வரும் பொருளாதார மாற்றங்களால், பன்னாட்டு நிறுவனங்கள் பலவும் இந்தியா, சீனா ஆகிய வளர்ந்துவரும் நாடுகளில் அதிகளவில் முதலீடுகளை மேற்கொள்கின்றன. இதனால் வேலைவாய்ப்புகள் அதிகரிக்கிறது. இந்நாடுகளின் பொருளாதாரமும் ஏற்றமான பாதையில் சென்று கொண்டிருக்கிறது.
ஆனாலும் நம் நாட்டில் பணித்திறன் குறைவாகவே இருக்கிறது. இதனால் இந்தியாவின் பொருளாதார முன்னேற்றம் பாதிக்கிறது என்பதை நாட்டின் முன்னணி மனிதவள சேவை நிறுவனம் என்கிறவகையில் எங்களால் உணரமுடிகிறது. பணித்திறனை அதிகரிக்க அரசும், தனியார் நிறுவனங்களும் உடனடியாக உரிய நடவடிக்கைகளை எடுத்தாக வேண்டும்” என்று இந்த கணிப்பு முடிவுகள் குறித்து பேசும்போது கூறுகிறார் ஈ.பாலாஜி. இவர்தான் மாஃபா ரா ராண்ட்ஸ்டாட் நிறுவனத்தின் மேலாண் இயக்குனர் மற்றும் தலைமைச் செயல் அலுவலர்.

(நன்றி : புதிய தலைமுறை)

6 முஸ்லிம் தொகுதிகளின் ரவுண்ட் - அப்

2011-04-08T10:28:00.002+03:00

முஸ்லிம் மக்களின் வாக்கு வங்கியைக் குறிவைத்து, தி.மு.க.
கூட்டணியில் முஸ்லிம் லீக்கும், அ.தி.மு.க. கூட்டணியில் மனிதநேய மக்கள் கட்சியும் வரிந்து கட்டிக் களத்தில் நிற்கின்றன. இரண்டு கழகங்களும், இந்தக் கட்சிகளுக்கு தலா மூன்று தொகுதிகளை ஒதுக்கி இருக்கின்றன. இரண்டு முஸ்லிம் கட்சிகளின் வெற்றி வாய்ப்புகளை அறிந்துகொள்ள ஒரு ரவுண்டு வந்தோம்!

மனிதநேய மக்கள் கட்சி

தமிழ்நாடு முஸ்லிம் முன்னேற்றக் கழகத்தின் அரசியல் பிரிவுதான் மனிதநேய மக்கள் கட்சி. இரண்டாவது முறையாக தேர்தலை சந்திக்கும் இந்தக் கட்சிக்கு அ.தி.மு.க. அணியில், 'புதியதமிழகம்,’ சரத்குமாரின் 'சமத்துவ மக்கள் கட்சி’களைவிடக் கூடுதல் இடம். இந்தக் கட்சியின் சின்னம்... மெழுகுவத்தி.

ராமநாதபுரம்

ம.ம.க-வின் ஒருங்கிணைப்பாளர் ஜவாஹிருல்லாவை எதிர்த்து, தற்போதைய காங்கிரஸ் எம்.எல்.ஏ-வான அசன் அலி களத்தில் இருக்கிறார். இலங்கை அதிபர் ராஜபக்ஷேவின் நண்பரான அசன் அலியும், கடந்த தேர்தலுக்குப் பிறகு இப்போதுதான் தொகுதியில் தலை காட்டுவதால், மக்களின் கேள்விகளுக்குப் பதில் சொல்ல முடியாமல் திணறுகிறார். மேலும் இலங்கைக் கடற்படையால் மீனவர்கள் மீது நடத்தப்பட்ட தாக்குதல்களும் இவருக்குப் பெரும் அதிருப்தியை ஏற்படுத்தி இருக்கிறது. அதனால், மீனவர்கள் மற்றும் ஈழத் தமிழர் ஆதரவாளர்கள் ஓட்டுகள் கணிசமாக ஜவாஹிருல்லாவுக்குத்தான்.

சில மாதங்களுக்கு முன்பு பெரிய பட்டணத்தில் நடந்த படகு விபத்தில் சிலர் இறந்தனர். ''இது என் தொகுதிக்குள் இல்லை!'' என்று அசன் அலி ஒதுங்கிக்கொண்டார். அந்த சம்பவம் குறித்து அங்கே நேரடியாகச் சென்று ஆறுதல் கூறி, ''பாதிக்கப்பட்டவர்களுக்கு இழப்பீடு அதிகமாகத் தர வேண்டும்!'' என்று கோரிக்கை வைத்து, ஆம்புலன்ஸ் சேவையிலும் ஈடுபட்டார் ஜவாஹிருல்லா. ''ரத்த தானம் செய்வதிலும் முன்னிலையில் இருக்கிறோம். சுனாமி சமயத்தில் நாங்கள் ஆற்றிய மீட்புப் பணிகளை மக்கள் மறக்க மாட்டார்கள்!'' என்று ம.ம.க. நிர்வாகிகள் பிரசாரம் செய்கிறார்கள்.

பிரசாரத்தில் பேசும் ஜவாஹிருல்லா, ''பம்மன் வைப்பாறு திட்டம், கடலில் கலக்கும் நீரைத் தடுத்து தடுப்பு அணைகள் கட்டுதல், ராமநாதபுரம் தலைமை மருத்துவமனையை மேம்படுத்துதல், பாதாள சாக்கடைத் திட்டம், ராமேஸ்வரம் புனிதத் தலத்துக்கு அடிப்படை வசதிகள் செய்தல், கச்சத் தீவு மீட்பு, மீனவர் உயிருக்குப் பாதுகாப்பு ஆகியவற்றை நிச்சயம் செய்து காட்டுவோம்...'' என்கிறார். மொத்தத்தில் மெழுகுவத்தி... பிரகாசமாக ஒளிர்கிறது!

சேப்பாக்கம் - திருவல்லிக்கேணி

ம.ம.க-வின் துணைப் பொதுச் செயலாளரான தமிமுன் அன்சாரி வேட்பாளர். பத்திரிகையாளர், கவிஞர், சமூக சிந்தனையாளர் என்று பன்முகம்கொண்டவர். துடிப்புமிக்க இளைஞர்கள், மாணவர்கள் படை அவருக்குப் பின்னால் தோள் கொடுக்கிறது. ''கடந்த மூன்று தேர்தல்களில் இங்கே போட்டியிட்ட முதல்வர் கருணாநிதி, இப்போது உங்களைக் கை கழுவிவிட்டு திருவாரூக்கு ஓடிவிட்டார். அங்கே போட்டியிட இரண்டு ஆண்டுகளுக்கு முன்பே அவர் முடிவு செய்துவிட்டதால், சேப்பாக்கம் தொகுதியில் செய்ய வேண்டிய பணிகளை எல்லாம் கிடப்பில் போட்டுவிட்டார்கள். தி.மு.க-வின் ஜெ.அன்பழகன், சினிமா விநியோகஸ்தர். அவர் எம்.எல்.ஏ-வாகி என்ன சாதிப்பார்? மக்களைப்பற்றிக் கவலைப்படுவாரா?'' என்று முழங்கும் தமிமுன் அன்சாரியின் பிரசாரம் படுவேகத்தில் இருக்கிறது. இந்தத் தொகுதியில் சுமார் 50 ஆயிரம் முஸ்லிம் வாக்காளர்கள் இருக்கிறார்கள். 'ஜெயலலிதாவின் பிரசாரத்துக்குப் பிறகு அன்சாரியின் வெற்றி உறுதியாகிவிடும்’ என்று நம்பிக்கையுடன் இருக்கிறார்கள்!

ஆம்பூர்

புதிதாக உருவாக்கப்பட்ட ஆம்பூர் தொகுதியில் நிற்கும் ம.ம.க. வேட்பாளர் அஸ்லம் பாஷாவுக்கு எதிராக, காங்கிரஸின் விஜய் இளஞ்செழியன் நிற்கிறார். 'இந்தத் தொகுதியில் எப்படியாவது ஸீட் வாங்கிவிட வேண்டும்!’ என்று காங்கிரஸ் பிரமுகர் பாலூர் சம்பத் கடைசி வரை போராடியும் ஸீட் கிடைக்கவில்லை. ஆகவே, இப்போது அவர் போட்டி வேட்பாளர். சம்பத்துக்குத் தொகுதிக்குள் ஓரளவுக்கு செல்வாக்கு இருப்பதால், இளஞ்செழியனுக்குக் கொஞ்சம் கஷ்டம்தான். கதர் சட்டைகளுக்குள் நடக்கும் மோதல் காரணமாக அஸ்லம் பாஷா முன்னேறிக்கொண்டு இருக்கிறார். இந்தத் தொகுதிக்கு உட்பட்ட கிராமப்புறங்களில் அ.தி.மு.க-வுக்கு செல்வாக்கு அதிகம். அதனால், இப்போ¬தய நிலவரப்படி அஸ்லம் பாஷாவின் வெற்றி, கனிந்தே இருக்கிறது!

முஸ்லிம் லீக்

தி.மு.க. கூட்டணியில் இருக்கும் முஸ்லிம் லீக், இந்த முறையும் உதயசூரியன் சின்னத்தில்தான் களத்தில் குதித்து இருக்கிறது. தொகுதிப் பங்கீடு நேரத்தில் முதலில் மூன்று தொகுதிகள் கிடைத்தன. அதன் பிறகு இரண்டாகக் குறைக்கப்பட்டு, கடைசியில் மீண்டும் மூன்று தொகுதிகளே வழங்கப்பட்டன.

திருப்பூர்

அல்தாப் உசேன், இங்கே வேட்பாளர். பல ஆண்டுகளாக தி.மு.க. கூட்டணியில் அங்கம் வகித்து வந்த 'தமிழ் மாநில தேசிய லீக் கட்சி’யின் தலைவராக இருந்தவர். ஆனால், ஒரு முறைகூட இவருக்குத் தேர்தலில் போட்டியிட தி.மு.க. வாய்ப்புத் தரவில்லை. அதன் பிறகு தன் கட்சியை, முஸ்லிம் லீக்கோடு இணைத்தார். இப்போது வேட்பாளராக நிற்கிறார். இதனால், முஸ்லிம் லீக் கட்சியில் அதிருப்தி நிலவுகிறது. அல்தாப் வெற்றி பெற்றால், முஸ்லிம் லீக் கட்சியைக் கைப்பற்றிவிடுவார் என்று அவரைத் தோற்கடிக்க, கட்சிக்குள்ளேயே உள்ளடி வேலைகள் நடக்கின்றனவாம்.

முழுக்க முழுக்க தி.மு.க-வின் ஓட்டுகளை நம்பியே ஓடிக்கொண்டு இருக்கிறார் அல்தாப். ஏற்கெனவே, பூங்கா நகர் தொகுதியில் இருந்த சௌகார்பேட்டை போன்ற பகுதிகள், தொகுதி மறுசீரமைப்புக்குப் பிறகு, துறைமுகம் தொகுதியில் சேர்க்கப்பட்டன. மார்வாடி இன மக்கள் சௌகார்பேட்டையில் கணிசமாக வசிப்பவர்கள். அவர்களின் ஓட்டுகள் எப்போதுமே தி.மு.க-வுக்கு விழுந்தது கிடையாது. மேலும் எதிர் அணியில் அ.தி.மு.க. வேட்பாளரான பழ.கருப்பையாவின் பிரசாரத்துக்கு ஈடு கொடுக்க முடியாமல் தவிக்கிறார். சுமார் 30 ஆயிரம் முஸ்லிம் ஓட்டுகள் துறைமுகம் தொகுதியில் இருக்கின்றன. அதை அல்தாப் நம்பிக்கொண்டு இருந்தாலும், பழகருப்பையாதான் ரேஸில் முந்துகிறார்!

நாகப்பட்டினம்

முக்கியக் கட்சிகளின் சார்பில் போட்டியிடும் வேட்பாளர்களில் கோடீஸ்வர வேட்பாளர்கள் பட்டியலில், நான்காவது இடத்தில் இருக்கிறார் நாகையில் போட்டியிடும் முஸ்லிம் லீக் வேட்பாளர் ஷேக் தாவூத். நகர்ப் பகுதிகளிலும் முஸ்லிம் ஜமாத்துகளிடம் மட்டுமே ஓட்டு கேட்டு வருகிறார். மிகப் பெரிய தொழில் அதிபர். கப்பல்கள், தொழிற்சாலைகள், வைர வியாபாரம் என்று பசை உள்ள பார்ட்டியாக ஷேக் தாவூத் இருந்தாலும், 'அவரிடம் இருந்து பணம் எதுவும் வந்து சேரவில்லை’ என்று தி.மு.க. உட்பட கூட்டணிக் கட்சியினர் புலம்புகிறார்கள். வேட்பு மனுத் தாக்கலின்போது, விண்ணப்பத்தில் சில இடங்களில் அவர் கையெழுத்துகூடப் போடவில்லை. இதைக் கவனித்த தி.மு.க. எம்.பி-யான ஏ.கே.எஸ்.விஜயன், 'இதைக்கூடவா சரியா செய்யத் தெரியாது!’ என்று நொந்துகொண்டார். பிரசாரத்துக்கு கனிமொழி வந்தபோதும், தி.மு.க-வினர் சரியான அளவில் கூட்டம் சேர்க்கவில்லை. பணம் இறங்கட்டும் என்று வேலை செய்யாமல் வேடிக்கை பார்த்துக்கொண்டு இருக்கிறார்கள். ''ஷேக் தாவூத் நல்ல தொழில் அதிபர். ஆனால், அரசியலுக்கு சரிப்பட்டு வர மாட்டார்!'' என்று தி.மு.க-வினரே முணுமுணுக்கிறார்கள். கடந்த முறை இந்தத் தொகுதியில் போட்டியிட்டுத் தோல்வியடைந்த ஜெயபால், அ.தி.மு.க. சார்பில் நிற்கிறார். இந்த முறை ஜெயித்தே தீருவது என்ற முடிவில் தீவிரமாக இவர் வேலை பார்க்கிறார். தொகுதிக்குள் இருக்கும் 40 ஆயிரம் முஸ்லிம் ஓட்டுகள்தான் ஷேக் தாவூத்துக்கு ஆறுதல் அளிக்கின்றன. கடைசி நேரத்தில் வாக்காளர்கள் மனம் மாறினால், ஜெயபாலுக்கு ஜெயம் கிடைக்கும்!

வாணியம்பாடி

சிட்டிங் முஸ்லிம் லீக் வேட்பாளர் அப்துல் பாசி மீண்டும் களத்தில் நிற்கிறார். ''அப்துல் பாசி, தொகுதிக்குப் பெரிதாக எதையும் செய்யவில்லை!'' என்று பரவலாகப் பேச்சு அடிபடுகிறது. தொகுதியில் அடிப்படை வசதியான சாலை வசதிகள்கூட ஒழுங்காக இல்லை. இதோடு, தி.மு.க. நகரச் செயலாளர் சிவாஜி கணேசன், தனக்கு ஸீட் தராததால் உள்ளடி வேலைகளில் இறங்கிவிட்டார். இந்தத் தொகுதியில் பெரிதாக எந்த சாதனையும் செய்யாததால், தி.மு.க. அரசின் சாதனைகளையும் தி.மு.க. தேர்தல் அறிக்கையும் சொல்லி ஓட்டு கேட்டு வருகிறார் அப்துல் பாசித்.

இவருக்கு எதிரே அ.தி.மு.க. சார்பில் கோவி.சம்பத்குமார் நிற்கிறார். புதுமுகம் என்றாலும், தொகுதி மக்களுக்கு அறிமுகம் என்பதால், சுறுசுறுவென தேர்தல் வேலை செய்கிறார். அப்துல் பாசித் மீது இருக்கும் அதிருப்தியும், தி.மு.க-வினரின் உள் குத்து காரணமாகவும் சம்பத்குமாருக்கு நல்ல யோகம்!

- எம். பரக்கத் அலி.

நன்றி, ஜூனியர் விகடன்

பொது இடத்தில் புகைப்பவர்கள் கவனிப்பார்களா.?

2010-12-02T07:44:00.001+03:00

"பேசிவ் ஸ்மோக்கிங்" என்று ஆங்கிலத்தில் அழைக்கப்படும் தான் புகை பிடிக்காமல் புகைப்பழக்கமுள்ளவர்களுடன் தொடர்புடையதாலேயே மரணமடைபவர்களின் எண்ணிக்கை ஆண்டொன்றுக்கு 6 லட்சம் பேர் என்று புதிய ஆய்வு ஒன்று தெரிவித்துள்ளது.

நாம் பொதுவாக நம் நண்பர்கள் புகைப் பிடிக்கும் போது அருகில் நிற்போம். மதுபான விடுதிகளிலும் பிற பொது இடங்களிலும் சிகரட் புகையினால் பாதிக்கப்படுபவர்கள் புகை பிடிப்பவர்கள் மட்டுமல்ல அருகில் இருப்பவர்களும்தான்.

பிரிட்டன் மருத்துவ இதழான லான்செட்டில் வெளியிடப்பட்டுள்ள ஆய்வுத் தகவல்களின் படி குழந்தைகளில் 40 சதவீதத்தினரும் ஆண்கள் மற்றும் பெண்கள் ஆகியோரில் 30 சதவீதத்தினரும் இம்மாதிரியான பிறரது புகைப்பழக்கத்திற்கு பாதிக்கப்படுகின்றனர்.

ஆண்டொன்றிற்கு பிறரது புகைப்பழக்கத்தால் பாதிக்கப்பட்டு உயிரிழப்பவர்களில் இருதய நோயால் உயிரிழப்பவர்கள் எண்ணிக்கை 379,000, கீழ் மூச்சுக்குழல் நோயால் மரணமடைவர்கள் எண்ணிக்கை 1,65,000, ஆஸ்துமா நோயால் இறப்பவர்கள் எண்ணிக்கை 36,900, நுரையீரல் புற்று நோயால் மரணிப்பவர்கள் எண்ணிக்கை 21,400 என்று புள்ளிவிவரங்கள் தெரிவிக்கின்றன.

உலகில் நிகழும் மரண விகிதத்தில் பிறரது புகைக்கு மரணமடைபவர்களின் பங்களிப்பு 1% என்று லான்செட் குண்டைத் தூக்கி போட்டுள்ளது.

51 லட்சம் பேர் ஆண்டு முழுதும் உலக அளவில் புகைப்பழக்கத்தால் உயிரிழக்கின்றனர் என்றால் அதில் 6,03,000 பேர் பிறரது புகைப்பழக்கத்தினால் பாதிக்கப்பட்டு உயிரிழந்து வருகின்றனர்.

2004ஆம் ஆண்டு முதல் 192 நாடுகளில் பல்வேறு தரப்பிலும் மேற்கொள்ளப் பாட்ட ஆய்வுகளின் அடிப்படையில் இந்தப் புள்ளி விவரங்கள் கிடைத்துள்ளன.

ஆப்பிரிக்கா, மற்றும் தென்கிழக்கு ஆசிய நாடுகளில் மட்டும் ஆண்டொன்றுக்கு பிறரது புகைப்பழக்கத்தால் பாதிக்கப்பட்டு சுமார் 1,65,000 குழந்தைகள் மரணமடைவதாக உலக சுகாதார மையம் கவலை வெளியிட்டுள்ளது.

பெற்றொர்களுக்கு புகைப்பழக்கம் இருக்கும் பட்சத்தில் குழந்தைகளுக்கு ஏற்படும் நோய்களின் தன்மை அபாயகரமாக உள்ளது. அதாவது காது தொடர்பான நோய்கள், நிமோனியா, ஆஸ்துமா, பிரான்க்கைட்டீஸ் ஆகிய நோய்கள் தாக்குவது இயல்பாகி வருகிறது என்கிறது லான்செட் புள்ளிவிவரம்.

பிறரது புகைப்பழக்கத்தினால் மரணமடைபவர்களின் எண்ணிக்கையில் ஐரோப்பாவும் ஆசியாவும்தான் முன்னிலை வகிக்கின்றன.

பிறரது புகைப்பழக்கத்தினால் ஏற்படும் பாதிப்புகளில் பெண்களே அதிக அளவில் மரணம் அடைவதாகவும் புள்ளி விவரங்கள் தெரிவிக்கின்றன.

வெளிநாடு வாழ் இந்தியர்களுக்கு புதிய சட்டம்

2010-11-30T06:54:00.000+03:00

கலோரியை குறைக்க...

2010-11-26T22:57:00.000+03:00

அதென்ன கலோரி... ஏதோ புதுசா எல்லாம் சொல்றாரே டாக்டர் என்று பலரும் எண்ணலாம். உடல் எடை கூடிவிட்டால், சில கிலோ எடையை குறைக்க வேண்டுமானால், முதலில் அதற்கு கலோரியை குறைக்க வேண்டும். அதுக்காகத்தான், நம்மில் சிலர், உடற்பயிற்சி, ட்ரெட்மில், வாக்கிங் என்று என்னவெல்லாமோ செய்கின்றனர். அப்படி கலோரிக்களை "எரிக்க எரிக்க"த்தான் உடலில் எடை குறையும். நீங்களும் "ஸ்லிம்"மாக இருக்க முடியும்.

சரி, கலோரி (Calorie) என்றால் என்ன தெரியுமா? கலோரி என்பது உடலுக்கு தேவைப்படும் எரிசக்தி. அதாவது, உடலில் சீரான இயக்கத்துக்கு இந்த கலோரியும் முக்கிய பங்கை செலுத்துகிறது. வியர்வை சிந்தி வேலை செய்வோருக்கு அதிகமாகவும், "சீட்"டில் உட்கார்ந்து வேலை செய்வோருக்கு குறைவாகவும் தேவைப்படும். கர்ப்பிணிப் பெண்கள் உட்பட சில பெண்களுக்கு என்று இவ்வளவு கலோரி என்று கணக்கு உண்டு.

"டீன் ஏஜ்" வரை கலோரி கணிசமாக தேவை தான். ஆனால், நாற்பது வயதை தாண்டிவிட்டால், உடல் எடை கூடிவிட்டால், "அடடா, கொழுப்பு கூடிவிட்டதே" என்று கலோரியை குறைக்க வேண்டிய கட்டாயம் ஏற்படுகிறது.

கலோரி என்றால், எங்கிருந்தும் கிடைக்கவில்லை. நாம் உண்ணும் உணவில் இருந்து தான் கிடைக்கிறது. நாம் உண்ணும் உணவுகளில் கார்போஹைட்ரேட் மூலம் 50 முதல் 60 சதவீதம் வரை கலோரி கிடைக்கிறது. புரோட்டீன் மூலம் 20 சதவீதம், கொழுப்பு மூலம் 15 முதல் 20 சதவீதம் கிடைக்கிறது.

கர்ப்பிணிப் பெண்களுக்கு நாளுக்கு 300 கலோரி தினமும் அதிகமாக வேண்டும். மற்றவர்களுக்கு வயதுக்கு, உடல் உழைப்புக்கு ஏற்ப கலோரி தேவைப்படுகிறது. உதாரணமாக 16 முதல் 18 வயதுள்ளவர்களுக்கு தினமும் கலோரி தேவை, அவர்கள் முழு உடல் எடைக்கு 2200 கலோரி தேவை. ஆனால், உடல் எடை கூடிவிட்டது என்று தெரியும் போது, கலோரியை குறைக்க என்ன செய்யலாம் என்று டாக்டர்களிடம் தான் கேட்க வேண்டும்.

ஒருவருக்கு எவ்வளவு கலோரி தினமும் தேவைப்படுகிறது என்பதை "ஹாங்ஸ் பெனடிக்ட் பார்முலா"படி டாக்டர்கள் முடிவு செய்கின்றனர். உடலுக்கு கலோரியும் தேவை, உடல் எடையும் கூடிவிடக்கூடாது என்ற அடிப்படையில் இந்த கலோரி நிர்ணயம் செய்யப்படுகிறது.

* உணவு வகைகளில் கார்போஹைட்ரேட் (Carbohydrates) , புரோட்டீன், கொழுப்புகள் ஆகியவற்றில் இருந்து கலோரி கிடைக்கிறது.

* உடலின் எரிசக்தியான கலோரி (Calorie), பல வகை இயக்கங்களுக்கும் தேவை என்றாலும், அது அதிகமாகிவிட்டால், கொழுப்பாக மாறிவிடும்.

* புரோட்டீன் (protein), கார்போஹைட்ரேட்டின் ஒரு கிராமில் நான்கு கலோரி (Calorie) உள்ளது. கொழுப்பில் தான் அதிக கலோரி, அதாவது, ஒன்பது கலோரி உள்ளது.

* நீங்கள் சாப்பிடும் முறை, அதனால், உடல் கூடுவது, உடல் உழைப்பு போன்றவற்றால், குறிப்பிட்ட அளவுக்கு மேல் உடலில் கலோரியை சேர்க்கக் கூடாது. சேர்ப்பதால் தான் கொழுப்பு கூடி, உடல் எடை கூடுகிறது.

* ஒருவருக்கு எடை கூடிவிட்டது என்றால், அதை போக்க கலோரியை "எரிக்க" வேண்டும். உடற் பயிற்சி, ட்ரெட் மில், வாக்கிங் என்று வியர்வை சிந்தி தான் உடலில் "கொழுப்பாக தேங்கிய" கலோரியை எரிக்க முடியும்.

* ஒருவர் ஒரு பவுண்ட் எடையை குறைத்துள்ளார் என்றால், 3500 கலோரியை எரித்து இருக்கிறார் என்று அர்த்தம். உடற்பயிற்சியால், ஒரு வாரத்தில் இதை செய்ய முடியும்.

அதனால், உங்கள் உடல் இயக்கத்துக்கு தேவையான கலோரிகளை சீராக பராமரிக்க வேண்டும். அப்படி பராமரிக்க சீரான உணவுப் பழக்கங்கள் தேவை. அதிக கலோரி உள்ள உணவுகளாக சாப்பிட்டால், அதிக கலோரி சேர்ந்து, அதிக கொழுப்பு சேரும்.

அப்படி கொழுப்பு சேர்ந்தால், அப்புறம் கேட்கவே வேண்டாமே, ரத்த அழுத்தம், சர்க்கரை வியாதி என்று தொடருமே.

எந்த ஜூசில் அதிக கலோரி?

காபி, டீ, ஜூஸ் சாப்பிடுவதில் தவறே இல்லை. ஆனால், அடிக்கடி அதிக கலோரி உள்ள ஜூஸ் சாப்பிடுவதும் கூடாது. அதுவும், எடை கூடிவிட்டது என்று தெரிந்தும், அதிக கலோரி உள்ள பானங்களை விழுங்கினால், அப்புறம் கொழுப்பு குவிந்துவிடும்.

ஆப்பிள் ஜூஸ் - 55

திராட்சை ஜூஸ் - 55

மாம்பழ ஜூஸ் - 58

ஆரஞ்சு ஜூஸ் - 44

பைனாப்பிள் ஜூஸ் - 52

கரும்பு ஜூஸ் - 36

தக்காளி ஜூஸ் - 17

தேங்காய் பால் - 76

இளநீர் - 24

காபி (ஒரு கப்) - 98

டீ (ஒரு கப்) - 79

கோக்கோ (ஒரு கப்) - 213

பசும்பால் - 65

ஸ்கிம் மில்க் - 35

தயிர் - 51

"ப்ரைடு" உணவுகளா? "டீன்" பெண்ணே உஷார் நீங்கள் ஆணா, பெண்ணா, டீன் ஏஜா, அடிக்கடி "ப்ரைடு" அயிட்டங்கள் வெளுத்துக்கட்டுவீர்களா? ஆண்களாக இருந்தால், அவர்களுக்கு ஐம்பதை தாண்டியவுடன் சர்க்கரை, ரத்த அழுத்தம் என்று தான் வரும். ஆனால் பெண்களுக்கு, அவர்கள் திருமணத்துக்கு பின்னர் "வேலையை" காட்டிவிடுமாம்.

இதை அமெரிக்க ஹார்வர்டு பல்கலைக்கழக பொதுசுகாதார ஆராய்ச்சி நிபுணர்கள் கூறுகின்றனர்.

அவர்கள் சொல்லும் சில எச்சரிக்கை தகவல்கள்:

* சில "ப்ரைடு" உணவு வகைகளில் அதிக கொழுப்பு உள்ளது. இது ஆரோக்கியமற்ற கொழுப்பு. ஆண்களை விட பெண்களை தான் அதிகம் பாதிக்கும்.

* இதை "டிரான்ஸ் ஃபேட்" என்பர். ப்ரைடு ரைஸ் (Fried rice) , ப்ரைடு சிக்கன் (Fried chicken), குக்கீஸ், பாஸ்ட்சுஸ் போன்றவற்றில் இருக்கும். இது ரத்த நாளங்களில் பதிந்து சுருக்கிவிடும்.

* கருப்பை தொடர்பான மலட்டுத் தன்மையை இந்த "ப்ரைடு" உணவுகளால் ஏற்படும் "டிரான்ஸ் பேட்" எனப்படும் கொழுப்பு அதிகரிக்கும்.

* வெறும் இரண்டு சதவீதம் அளவுக்கு இந்த கொழுப்பு சேர்ந்தால் போதும், அதனால் இரண்டு மடங்கு மலட்டுத் தன்மை பாதிப்பு வரும்.

மரண அறிவிப்பு

2010-11-22T01:37:00.000+03:00

மர்ஹும் நெ.பெ.ரி பெரிய வாப்பு மரைக்காயர் மனிவியும் செ.ஓ. ஷேக் அப்துல் காதர்(சீப் சைடு மரைக்கான்) மர்ஹும் செ.ஓ அப்துர் ரஹ்மான் அவர்களுடைய சகோதரியுமான, முகம்மது மரியம் அவர்கள் இன்று 21/11/10 மக்ரிபு நேரம் வபாத்தாகி விட்டார்கள்

மர்ஹுமா அவர்கள் செ.ஒ.முகம்மது ஹுசைன்(ஜித்தா), செ.ஓ அபூபக்கர்(அபுதாபி) இவர்களின் மாமியும் S.M.A அன்வர்(ஜித்தா) அவர்களின் உம்மம்மாவும் ஆவார்கள்

அன்னாரின் ஜனாஸா மரைக்காப் பள்ளி மையவாடியில் நல்லடக்கம் செய்யப்படும்

இன்னாளில்லாஹி வ இன்னா இலைஹி ராஜிஊன். (إِنَّا لِلَّـهِ وَإِنَّا إِلَيْهِ رَاجِعُونَ "நிச்சயமாக நாம் அல்லாஹ்வுக்கே உரியவர்கள்;, நிச்சயமாக நாம் அவனிடமே திரும்பிச் செல்வோம்"

எல்லாம் வல்ல அல்லாஹ்,அன்னாரின்எல்லாபாவங்களையும் மன்னித்துஜன்னத்துல்பிர்தௌஸ் கொடுப்பானாக ஆமீன்.

மூளை சுறுசுறுப்பாக செயல்பட...

2010-09-24T21:32:00.004+03:00

இயற்கையின் பெரிய அற்புதங்களில் ஒன்று மூளை. இது கணினி போல செயல்பட்டு மனிதனின் ஒவ்வொரு செயலுக்கும் அடிப்படையாக விளங்குகிறது. எவ்வளவு தெளிவாக சிந்திக்க மூளை துணைபுரிகிறதோ, அவ்வளவு வியப்பூட்டும் வகையில் விஞ்ஞானிகளையே குழப்பத்துக்கு உள்ளாக்கிவிடுகிறது மூளை. அதன் செயல்பாடுகள் மிக நுண்ணியதாகவும் தெளிவாகவும் இருக்கின்றன.

மிகச் சாதாரண மனிதர்கள் மூளையை 2 சதவீதமே பயன்படுத்துகிறார்களாம். நாம், புத்திசாலி என்று பாராட்டுபவர்கள்கூட 5 சதவீத மூளையையே பயன்படுத்துகிறார்கள். ஆய்வாளர்கள் 7 சதவீத மூளையையும், விண்வெளி விஞ்ஞானிகள் 11 சதவீத மூளையையும் பயன்படுத்துவதாக ஆய்வு கூறுகிறது. அப்படியானால் முழு அளவு மூளையின் செயல்பாடுகளை வியக்காமல் இருக்க முடியுமா?

மற்ற விலங்கினங்களில் இருந்து நம்மை வித்தியாசப்படுத்தி, அர்த்தமுள்ள இனமாக நிலைநிறுத்தி வருவதே இந்த மூளைதான். ஒரு நொடிக்குள் பல தூண்டல்களை எதிர்கொண்டு செயல்களை செய்ய துரிதமாக இயங்குவது மூளை. மனிதர்களில் கூட நாம் பிறரில் இருந்து வேறுபட்டு இருந்தால் அது நமது மூளையை பயன்படுத்தும் ஆற்றலில்தான்.

எனவே நாம் துரிதமாகச் செயல்பட்டு வெற்றி பெற வேண்டுமானால் மூளையை நல்ல முறையில் பயன்படுத்த வேண்டும். அதற்கு மூளை எப்போதும் சுறுசுறுப்பாக செயல்பட வேண்டும். அதன் சுறுசுறுப்பை அதிகரிக்க இங்கே சில டிப்ஸ்...

* மூளை சுறுசுறுப்பாக செயல்பட முதலில் அதிகாலையில் எழ வேண்டும். பின்பு நல்ல காற்றோட்டமான இடத்தில் அமர்ந்து சுமார் 15 நிமிடம் காற்றை உள்ளிழுத்து வெளியிட வேண்டும். மூச்சுப்பயிற்சி பெற்றவர்களிடம் பயிற்சி பெற்று செய்வது சிறந்த பலன் தரும்.

மேலும் "ட்ரெட்மில்"லில் ஓடுவது, ஜாக்கிங் செய்வது, ஓட்டம் போன்ற பயிற்சிகளை செய்தாலும் மூளையின் செயல்பாடுகள் விரைவுபடுத்தப்படும்.

* இரண்டாவதாக, சத்துள்ள சரிவிகித உணவுகளை உண்ண வேண்டும். குறிப்பாக முளைகட்டிய தானியங்கள், பச்சைக்காய்கறிகள், பழவகைகளை அதிகம் சேர்த்துக் கொள்ள வேண்டும்.

* அதே வேளையில் உணவுக் கட்டுப்பாடும் அவசியம். கண்ட கண்ட வேளைகளில் சாப்பிடுவதும், அளவை மீறிச் சாப்பிடுவதும் மூளையின் செயல்பாட்டில் தாக்கத்தை ஏற்படுத்தும். ஒழுங்கற்ற உணவுமுறை மந்தத் தன்மையையும், சில வியாதிகளையும் ஏற்படுத்தும்.

* உடல் பராமரிப்பில் அக்கறை செலுத்த வேண்டும். நோய்கள் தாக்காத வகையில் தேவையான விழிப்புணர்வுடன் சுத்தமாக இருக்க வேண்டும். டைப் 2 நீரிழிவு, அதிக கொழுப்பு, உயர் ரத்த அழுத்தம் போன்ற வியாதிகள் மூளையின் செயல்களை பாதிக்கக் கூடியவை. இவை அறிவுத்திறனை பாதித்து, கவலைகளை அதிகரிக்கும். எனவே இவற்றைத் தவிர்க்க சிகரெட் மற்றும் புகைப் பழக்கங்களை கைவிட வேண்டும். மேலும் கொழுப்பு குறைந்த உணவுகளைச் சாப்பிடுங்கள்.

* அடுத்ததாக மூளை புத்துணர்ச்சியுடன் செயல்படத் தேவையானது ஓய்வு. மூளைக்கு ஓய்வு என்பது தூக்கத்தில்தான் கிடைக்கிறது. எனவே வேலை, வயதுக்கு தக்கபடி போதிய அளவு தூங்கி ஓய்வெடுங்கள். சரியான ஓய்வு இல்லாவிட்டால் மந்தத்தன்மை, சோர்வு ஏற்படுவதோடு சில வியாதிகள் தொற்றவும் வாய்ப்பிருக்கிறது.

* ஒரு நாளைக்கு 2 முறை காபி அல்லது டீ குடியுங்கள். இதில் உள்ள "காபீன்" என்னும் ரசாயனப்பொருள் புத்துணர்ச்சியை தூண்டும் திறன் உடையது. குறிப்பாக மாலைநேர காபி மூளையின் செயல்பாட்டை அதிக அளவில் தூண்டுவதாக ஆய்வில் கண்டறிந்து உள்ளனர். தினசரி 4 முறைக்கு மேல் டீ பருகுவதையும் தவிர்க்க வேண்டும்.

* அதேபோல் மூளைக்கு புத்துணர்ச்சி ஊட்டும் உணவு மீன். அதில் உள்ள "ஃபேட்டி ஆசிட்", ஒமேகா 3 ஆகியவை மூளை செயல்படும் விதத்தை துரிதப்படுத்துகிறது. எனவே உணவில் மீனையும் கூடுதலாக சேர்த்துக் கொள்ளுங்கள்.

* மூளை சுறுசுறுப்பாக இருக்க வேண்டுமானால் கவலைகள் இருக்கக் கூடாது. மன அழுத்தம் தரும் விஷயங்களைத் தவிர்க்க வேண்டும். உடனடியாக மாற்று செயல்களில் ஈடுபடுவதன் மூலம் கவலையைத் திசை திருப்பி மீண்டும் புத்துணர்ச்சியாக செயல்பட முடியும். யோகா, உடற்பயிற்சி போன்றவற்றிலும் ஈடுபடலாம்.

* அறிவுத்திறனை வளர்க்கும் போட்டிகளில் பங்கேற்றுப் பழகுங்கள்.

* நினைவுத்திறனை அதிகப்படுத்துவதற்காக மருந்து மாத்திரைகள் பயன்படுத்துவதை தவிர்க்கவும்.

மேற்கண்ட வழிகளை பின்பற்றினால் மூளையில் சுறுசுறுப்பு தொற்றிக் கொள்ளும். வெற்றி கைகளை நீட்டி தழுவிக் கொள்ளும்.

குழந்தைகளை தொலைக்காட்சி பார்க்க அனுமதிக்கலாமா!

2010-09-20T01:23:00.000+03:00

அன்மையில் அமெரிக்காவில் நடத்தப்பட்ட ஆய்வு ஒன்று குழந்தைகள் நர்சரி பள்ளிக்கு செல்லும் முன் 5000 மணி நேரம் தொலைக்காட்சி நிகழ்ச்சிகளை பார்த்துவிடுகின்றனர் என்று தெரிவிக்கிறது. இது கல்லூரியில் ஓர் பட்டம் பெறுவதற்கு படிப்பதற்காக செலவிடும் நேரத்திற்கு சமமானது என்றும் அந்த ஆய்வு தெரிவிக்கிறது. நம் நாட்டிலும் இதே நிலைமைதான் என்பதில் சந்தேகமில்லை. வீட்டுக்கு வீடு தொலைக்காட்சியும் கம்ப்யூட்டரும் இருக்கும் தற்போதைய சூழ்நிலையில் குழந்தைகளை தொலைக்காட்சி பார்க்க விடாமல், கம்ப்யூட்டரில் விளையாடாமல் தடுப்பது இயலுமா என்பது சந்தேகத்திற்குரிய விஷயமாகி விட்டது.

குழந்தைகள் அளவுக்கு அதிகமாக தொலைக்காட்சி பார்பதானாலும், கம்ப்யூட்டரில் விளையாடுவதானாலும் பல தீய விளைவுகள் உண்டாகின்றன. உடல் பருமன், சோம்பேறித்தனம், புதுவித சிந்தனை வளர்ச்சியடையாமை ஆகியவை அதிகமாக தொலைக்காட்சி பார்க்கும் குழந்தைகளிடம் காணப்படலாம். இக்குழந்தைகளுக்கு பிறரோடு தொடர்பு கொள்ளும் திறன் குறைவாக இருக்கும். எனவே குறைவான நண்பர்களை பெற்றிருப்பர். விரைவிலேயே கண் பார்வை குறைபாடு ஏதேனும் ஏற்பட வாய்ப்புண்டு. இக்குழந்தைகளால் படிப்பில் ஆர்வத்தைக் கண்பிக்க இயலாது. பிற்காலத்தில் இவர்கள் யதார்த்த வாழ்க்கையை எதிர்கொள்ள இயலாமல் துன்புறுவர். அதிகமாக தொலைக்காட்சி பார்ப்பதால் ஏற்படும் பின் விளைவுகள் இவை.

அதே சமயத்தில் தொலைகாட்சி நிகழ்ச்சிகளை முற்றிலும் பார்க்காத குழந்தைகளுக்கு சில சங்கடங்கள் உண்டாகும். வகுப்பில், பிற இடங்களில் தன் வயதையொத்த குழந்தைகள் தொலைக்காட்சி நிகழ்ச்சிகளில் வரும் சில கதாப்பாத்திரங்களைப் பற்றியோ அல்லது கதைகளைப் பற்றியோ பேசிக் கொண்டிருக்கும் போது தொலைக்காட்சி பார்க்காத குழந்தைகள் எதுவும் புரியாமல் தவிக்கலாம். குழந்தைகளின் தற்போதைய பேஷன் என்னெவென்று தெரியாமலும், பயன்படுத்தும் பொருட்கள் என்னவென்று தெரியாமலும் இக்குழந்தைகள் தவிப்பர்.

குழந்தைகள் தொலைக்காட்சி பார்ப்பதால் பல நல்ல பலன்களும் உண்டு. உதாரணமாக தொலைக்காட்சி பார்க்கும் குழந்தைகளின் பேச்சுத் திறன் சிறப்பாக வளர்ச்சியடையும், அதிகமான புதிய சொற்களை விரைவாக கற்றுகொள்வர். மொழி வளர்ச்சி மிக வேகமாக இருக்கும். மேலும் உடையணியும் விதம், பிறரிடம் எப்படி பேச்சை ஆரம்பிக்க வேண்டும் என்று தெரிந்து கொள்வது தொலைக்காட்சி பார்க்கும் குழந்தைகளிடம் சிறப்பாக இருக்கும்.

மேலும் குறிப்பிட்ட நன்மைகள் அனைத்தும் குழந்தைகள் எந்த நிகழ்ச்சிகளை அதிகம் பார்க்கின்றார்கள் என்பதைப் பொறுத்தே அமையும். அதிகமான வீடுகளில் பெற்றோர் சினிமா நிகழ்ச்சிகளையும் நெடுந்தொடர்களையுமே ஓட விடுகின்றனர். அதனால் குழந்தைகளும் இவைகளையே பார்த்து பெற்றோர்களைப் போல நடந்து கொள்கின்றனர். சினிமா நிகழ்ச்சிகள், நெடுந்தொடர்கள் ஆகியவற்றை தவிர்த்து குழந்தைகள் சேனலை அதிகம் பார்க்கும்படி செய்ய வேண்டும். அதிலும் புதிய பொருட்களை உருவாக்குவது, சித்திரம் வரைவது, வாழ்த்து அட்டைகளை உருவாக்குவது, அறிவியல் கண்டுபிடிப்புகள் பற்றிய தகவல் தரும் நிகழ்ச்சிகள், விலங்குகளின் வாழ்க்கையைப் பற்றிய நிகழ்ச்சிகள், பிற நாடுகள், மக்களின் பழக்க வழக்கங்கள் பற்றிய நிகழ்ச்சிகள், மற்றும் சுற்றுலா தலங்கள் பற்றிய நிகழ்ச்சிகளை பெற்றோர் தேர்ந்தெடுத்து குழந்தைகளை பார்க்கச் செய்ய வேண்டும். அவ்வாறு நிகழ்ச்சிகளை தினமும் குறிப்பிட்ட நேரம் பார்க்கச் செய்வது குழந்தைகளின் அறிவு வளர்ச்சிக்கு பெற்றோர் செய்யும் உதவியாக அமையும்.

எப்போதும் தொலைக்காட்சி நிகழ்ச்சிகளையே பார்த்துக் கொண்டிருப்பது, கம்ப்யூட்டரில் விளையாடிக் கொண்டிருப்பது தவறு. தொலைக்காட்சியே பார்க்காமல் இருப்பதும் தவறு தேர்ந்தெடுத்த நிகழ்ச்சிகளை குழந்தைகளை தினமும் பார்க்கச் செய்வது அவர்களின் அறிவு வளர்ச்சிக்கு வித்திடுவதாக அமையும். உங்கள் வீட்டுக்குள் வரும் உலகத்தை உங்கள் குழந்தைகளுக்கு காட்டுவதாக அமையும்.

ஈகை பெருநாள் வாழ்த்துக்கள்

2010-09-09T20:22:00.000+03:00

உலகில் வாழும் அனைத்து அதிரை சகோதரர்களுக்கும் எங்கள் உள்ளம் கனிந்த நோன்புப்பெருநாள் நல் வாழ்த்துக்கள்

அய்டா

நோன்புப்பெருநாள் அரபிய நாடுகளில் வெள்ளிக்கிழமை

2010-09-09T13:55:00.004+03:00

அஸ்ஸலாமு அலைக்கும்

புதன் மாலை ஷவ்வால் பிறை தென்படாதசூழலில் வியாழன் அன்று 30 ஆவது நோன்பு கடைபிடிக்கப்படும் என்றும் இன்ஷா அல்லாஹ், 10-09-2010 வெள்ளிக்கிழமை அன்று, சவூதி மற்றும் அரபு நாடுகளில் நோன்பு பெருநாள் என அதிகாரப்பூர்வமாக அறிவிக்கப்பட்டுள்ளது.

உலகில் வாழும் அனைத்து அதிரை மக்களுக்கும் நோன்புப்பெருநாள் நல் வாழ்த்துக்கள்.

ஒழுங்கா பராமரிக்கிறீங்களா தலை முதல் கால் வரை எல்லாத்துக்கும் வயசாகுது !

2010-09-04T12:04:00.005+03:00

பளீச் என்று எரியும் பல்பாக இருந்தாலும், பைக்காக இருந்தாலும், வலுவாக இத்தனை மணி நேரம், இத்தனை நாள்தான் இயங்க முடியும். அதுபோலத்தான் நம் உடலும். உடலில் உச்சந் தலை முதல் உள்ளங்கால் வரை ஒவ்வொரு முக்கிய உறுப்புக்கும் தனித்தனி வயது உண்டு.

பிரான்ஸ் மருத்துவ நிபுணர்கள் ஆய்வில் கிடைத்த ருசிகர தகவல்கள்:

*மூளை: மூளையில் உள்ள நரம்பு உயிரணுக்களின் எண்ணிக்கை 10,000 கோடி; நமது ஒவ்வொரு எண்ணம், சொல், செயல்களுக்கு இவற்றின் கட்டளைகள் தான் காரணம். 20 வயது வரை தான் இதன் சுறுசுறுப்பு இருக்கும். 20 ல் இருந்து இதன் எண்ணிக்கை குறைய ஆரம்பிக்கும். 40 வயதில் இருந்து ஒரு நாளைக்கு 10,000 உயிரணுக்கள் வீதம் சரியும். நினைவாற்றல் உட்பட பல செயல்கள் செயலிழக்க இது தான் காரணம்.

*குடல்: குடலுக்கு 55 வயது வரை தான் முழு ஆரோக்கியம். அப்போது குடல், கல்லீரல், சிறுகுடல், இரைப்பையில் ஜீரணத்துக்கான நொதிநீர் சுரப்பது குறைய ஆரம்பிக்கும். இதனால், அஜீரணம், வயிற்றுப்பிரச்னை போன்றவை தலைகாட்டும்.

*மார்பகம்: பெண்களுக்கு மார்பகம் 35 வயதில் சுருங்க ஆரம்பிக்கும். அதன் தசைகள், கொழுப்புத்தன்மை குறைய ஆரம்பிக்கும்; அதனால், பருத்த மார்பகம் சுருங்க ஆரம்பிக்கும்.

*சிறுநீர்ப்பை: இது வயசாவது 65 ல் ஆரம்பிக்கிறது. 30 வயதில் 2 கப் சிறுநீர் தேக் வைக்கும் அளவுக்கு கொள்ளளவு இருக்கும்; 65 ல் ஒரு கப் தான் தேங்கும் அளவுக்கு சுருங்கி விடும்.

*நுரையீரல்: 20 வயது வரை தான் முழுவீச்சில் இயங்கும். அதன் பின், இடுப்பு எலும்பு பகுதி நெருக்கிக்கொள்ள, நுரையீரல் சக்தி குறைந்து, மூச்சு , உள்ளிழுத்து வெளியேவிடும் அளவு குறையும். 40 வயசுக்கு மேல், சில அடிதூரம் நடந்தால் மூச்சு வாங்குவதற்கு காரணம் இது தான்.

*குரல்: தொண்டையில் உள்ள லாரினக்ஸ் என்ற மெல்லிய திசுக்கள் நீடிக்கும் வரை தான் குரலில் இனிமை இருக்கும். 65 வயதுக்கு பலவீனமாகி, குரல் ‘கரகர’ தான்.

*கண்: பத்திரிக்கை படிக்கும் போதும், டிவி பார்க்கும் போதும் கண்களை இடுக்கி, பாடாய்ப்படுத்தி பார்ப்பர் சிலர்; அடடா, வயது 40 ஆகி விட்டது என்று புரிந்து கொள்ளலாம். அந்த வயதில் தான் பார்வை வலிமை குறைய ஆரம்பிக்கிறது.

*இருதயம்: ரத்தத்தை உள்வாங்கி, மற்ற உறுப்புகளுக்கு அனுப்பும் சக்தி படைத்தது இருதய பம்ப்; ரத்தத்தை விரைவாக அனுப்பும் நெகிழ்திறன் கொண்ட இந்த பம்ப், 40 வயதில் பலவீனமடைய ஆரம்பிக்கிறது. அதனால், மற்ற உறுப்புகளுக்கு ரத்தம் பாயும் வேகமும் குறைகிறது.

*கல்லீரல்: இந்த ஒரு உறுப்பு மட்டும் தான் 70 வயது வரை சூப்பர் இயக்கத்துடன் உள்ளது. குவாட்டரை நினைக்காதவரை இதன் பலம் ஆண்டுக்கணக்கில் நீடிக்கும்.

*சிறுநீரகம்: ரத்தத்தை சுத்தப்படுத்தி பிரிக்கும் வேலையை இதன் ‘நெப்ரான்ஸ்’ என்ற திசுக்கள் செய்கின்றன. 50 வயதில் இது வலுவிழக்க ஆரம்பிக்கிறது.

*எலும்புகள்: 25 வயது வரை தான் எலும்புகள் வலுவாக இருக்கும். அதன் பின் 35 ல் இருந்து பலவீனமடைய ஆரம்பிக்கும்.

*பற்கள்: எச்சில் ஊறும் வரை தான் பற்களுக்கு வலிமை. பாக்டீரியாக்களையும் விரட்டியடிக்கும். நாற்பது வயதில் எச்சில் ஊறுவது குறைய துவங்கும். அதனால் தான் சிலரிடம் கப்ஸ்.

*தசைகள்: முப்பது வயதில் தசைகள் 0.5 முதில் 2 சதவீதம் வரை ஆண்டுக்கு குறைய ஆரம்பிக்கும். தினசரி பயிற்சி, உடல் உழைப்பு தான் இதில் இருந்து காக்கும்.

*தோல்: தோல்பகுதி, 25 வயதில் இருந்தே பலவீனமடைய ஆரம்பிக்கும்.

*தலைமுடி: முப்பது வயதில் இருந்தே தலைமுடி கொட்ட ஆரம்பிக்கும்; வெள்ளை முடி தோன்றும்.

"ஷிஃபா" மருத்துவமனைக்கு மறுமலர்ச்சி!

2010-08-31T03:02:00.008+03:00

"நான் நோயுற்றால், அதைக் குணப்படுத்துபவன் அல்லாஹ்தான்" (26:80) என்பது, இஸ்லாத்தின் அருள்மறையாம் குர்ஆன், மனிதனை இறை வல்லமை மீது நம்பிக்கை கொள்ளச் செய்து அறிவுறுத்தும் அருள் வாக்காகும்.

"ஒவ்வொரு நோய்க்கும் மருந்துண்டு. சரியான மருந்தால் சிகிச்சை செய்யும்போது, அல்லாஹ் நாடினால், அந்த நோய் குணமாகும்" (சஹீஹ் முஸ்லிம்) என்பது நபிமொழியாகும். இதுவும் இஸ்லாத்தின் இனிய போதனைதான்.

கி.பி.1983 இல் பொதுநல நோக்குடன் தொடங்கப்பெற்றது நமதூரின் 'ஷிஃபா' மருத்துவமனை என்பது அனைவருக்கும் தெரிந்ததே. அரசு மருத்துவமனையில் இல்லாத வசதிகளுடன் உருவாயிற்று இந்த 'ஷிஃபா' மருத்துவமனை என்பதும் நாமறிந்ததே. சிறந்த மகப்பேறு பெண் மருத்துவர்கள் இங்கு முழு நேரச் சேவையில் ஈடுபட்டிருந்ததால், சுகப் பிரசவங்கள் பல நிகழ்ந்துள்ளன. (இக்கட்டுரையாளரின் மூன்று பிள்ளைகள் இம்மருத்துவ மனையில்தான் பிறந்துள்ளனர்.) பல அவசர சிகிச்சைகளும் பெற்றுச் சுகமடைந்தவர்களும் நம்மூரில் ஏராளம். சிறப்பு மருத்துவர்கள் பலர் இங்கு வருகை தந்து சிகிச்சைகளும் தந்துள்ளனர். இவ்வாறு, அரசு சாராத பொது மருத்துவமனையாகவும், சேவை மனப்பான்மையிலும் இயங்கிவந்த 'ஷிஃபா'வுக்குச் சில ஆண்டுகளாகப் பின்னடைவு ஏற்பட்டுள்ளது என்ற கசப்பான உண்மையை உணரத்தான் வேண்டும்.

அதற்கான காரணங்கள் யாவை என்று ஆராய்வது, இக்கட்டுரையின் நோக்கமன்று. 'நடந்தது நடந்ததாக இருக்கட்டும்; இனி நடக்க வேண்டியது நல்லதாக இருக்கட்டும்' என்ற எண்ணத்தில், நமதூரின் நலனில் அக்கறை கொண்ட சிலர் இம்மருத்துவமனைக்குப் புத்துயிர் அளிக்க முன்வந்துள்ளனர் என்பது ஓர் ஆறுதலான செய்தியாகும். எமது நட்பிற்குரிய அந்த நல்லுள்ளங்களின் வேண்டுகோளின்படி, நாம் ஒரு First Hand Report எடுப்பதற்காக 'ஷிஃபா'வுக்குச் சென்றோம்.

எமக்கு 'ஷிஃபா'வின் எல்லாப் பகுதிகளும் சுற்றிக் காட்டப்பட்டன. 'மாஷா அல்லாஹ்!' இதே Infrastructure வேறு ஊர்களில் இருந்தால், இன்றைக்கு இதன் நிலையே வேறாக இருந்திருக்கும். எல்லா வசதிகளும் இருந்தும், அதிரையின் மருத்துவச் சேவையில் இந்த 'ஷிஃபா'வுக்கு உரிய இடமில்லாமல் போனதற்கு என்ன காரணம்? யார் யார் காரணம்? கேள்விகளால் கவலைதான் கூடிற்று! இது ஒரு Full-fledged Hospital என்ற தகுதியில், இதன் மறுமலர்ச்சிக்கான தேவைகள் யாவை என்று ஆராய முயன்றோம்.

அப்போதுதான், இந்த மருத்துவமனைக்காக அண்மையில் பணியமர்வு பெற்ற மகப்பேறு மருத்துவர் டாக்டர் கோமதி MBBS, DGOஅவர்கள் 'ஷிஃபா'வுக்குள் இன்முகத்துடன் நுழைந்தார்கள். அந்நேரத்தில் அவர்களுக்கு நோயாளி ஒருவரும் இல்லாததால், நமக்கு அவர்களுடன் மனம் விட்டுப் பேசும் வாய்ப்பு கிட்டியது.

டாக்டர் கோமதி அவர்கள் நமதூருக்குப் புதியவர் அல்லர். 'ஷிஃபா'வில் சில ஆண்டுகள் பணியாற்றியதன் பின்னர், சஊதி அரேபியா, யமன் போன்ற அரபு நாடுகளில் சில ஆண்டுகள் மருத்துவச் சேவை செய்துவிட்டுத் திரும்பி வந்துள்ளார்கள். 'ஷிஃபா'வின் முன்னேற்றத்தில் அக்கறை கொண்டவர்களின் அன்பழைப்பை ஏற்று, இந்த மகப்பேறு மருத்துவர் நமதூருக்கு வந்துள்ளார்கள். டாக்டர் கோமதி அவர்களைத் தற்போதைய 'ஷிஃபா'வின் இயக்குநர்கள் மிகுந்த பொருள் செலவில் வரவழைத்து, இங்குப் பணியில் அமர்த்தியுள்ளார்கள். டாக்டர் அவர்களின் பேச்சிலிருந்து, இந்த மருத்துவமனையை முன்னேற்றம் செய்யவேண்டும் என்ற அவரின் நோக்கம் தெரிந்தது. தலைமை மருத்துவர் என்ற முறையில், டாக்டர் அவர்கள் சில பரிந்துரைகளை முன்வைத்தார்கள். அவை முறையாக இதன் இயக்குநர்களுக்குத் தெரியப்படுத்தப்பட்டுவிட்டன. டாக்டரின் அயல்நாட்டு அனுபவங்களின் தாக்கம், அவர்களின் பரிந்துரைகளில் வெளிப்பட்டது.

மொத்தத்தில், 'ஷிஃபா'வுக்கு ஒரு Face-lifting அவசரத் தேவை. இதனை நாம் மின்னஞ்சல் மூலம் இதன் நலம் விரும்பிகளுக்குத் தெரிவித்துவிட்டோம். அவர்களும், இவை இன்றியமையாதவை என்றே உணர்கின்றனர். அதன் அறிகுறி, இப்போதே தென்படுகின்றது. அதாவது, எம் பரிந்துரைகளுள் சில இப்போதே செயலுருப் பெறத் தொடங்கியுள்ளன. மருத்துவ உபகரணங்கள் பழுது பார்க்கப்பட்டுப் பயன்பாட்டு நிலைக்குக் கொண்டுவரப்பட்டுள்ளன.

பட்டுக்கோட்டையைச் சேர்ந்த MBBS பெண் மருத்துவர் (GP) ஒருவரும் அண்மையில் பணியமர்வு பெற்றுள்ளார். உள்ளூர் டாக்டர்களுள், டாக்டர் ஹகீம் MBBS, DA அவர்கள் தொடக்க காலம் முதல் 'ஷிஃபா'வுடன் ஏற்படுத்திக்கொண்ட சேவைத் தொடர்பு பாராட்டத் தக்கதாகும்.

மகப்பேறு சிறப்பு மருத்துவருடன் சில பரிந்துரைகளில் நாமும் ஒத்த கருத்தில் உடன்பட்டோம். அவற்றுள் ஒன்று, நன்கு பயிற்சி பெற்ற 'நர்ஸ்'கள் மிகத் தேவை என்பதாகும். சரியான பணியுடை (Uniform) அணிந்து, முறையாக அவர்கள் சேவை செய்யும்போது, நோயாளிகளுக்கு ஓர் ஆறுதல் உண்டாகின்றது.

குழந்தை நல மருத்துவர் ஒருவரின் தேவை பற்றியும் 'ஷிஃபா'வின் இயக்குநர்களிடம் பரிந்துரைக்கப்பட்டுள்ளது. அதற்கு, உடனடியாக, உள்ளூரில் பணிபுரியும் மருத்துவர் ஒருவரை on call basis பயன்படுத்திக்கொள்ளவும் ஏற்பாடு நடைபெறுகின்றது. தற்போது வருகை தரும் பல் மற்றும் 'ஹோமியோபதி' மருத்துவர்களின் சேவையும் மிகப் பயனுள்ளதாக இருக்கின்றது.

மருத்துமனையின் உள்ளும் புறமும் பல சீர்திருத்தங்களால் மிளிரப் போகின்றன, மிக விரைவில். நாம் வழங்கிய பரிந்துரைகளுள், கீழ்க்கண்டவை Long term projects என்ற அடிப்படையில், 'ஷிஃபா'வின் இயக்குநர்களால் ஏற்றுக்கொள்ளப்பட்டுள்ளன:

· 'ஷிஃபா'வின் சுற்றுச் சுவருக்குள், இங்கே பணி புரியும் மருத்துவர் மற்றும் செவிலியர்களுக்கான வீட்டு வசதி செய்து கொடுத்தல்.

· புதிய மருத்துவப் பிரிவுகளுக்கான கட்டட வசதி செய்தல்.

· 'ஷிஃபா'வின் செலவினங்களை ஈடு செய்யப் போதுமான வருமானம் தரும் துறைகளைத் தொடங்குதல்.

· ஏழைகள் மற்றும் வசதியற்றவர்களின் சிகிச்சைகளுக்காகப் பொறுப்பேற்கும் நல்லுள்ளம் கொண்டவர்களை நியமித்தல்.

· வருகையாளர்களின் வசதிக்காகப் பள்ளிவாசல் கட்டுவது.

தற்போதைய நிர்வாகிகளாகப் பட்டதாரிகள் இருவர் பணி புரிகின்றனர் என்ற செய்தி, கடந்த கால illiterate நிர்வாகிகளால் நம்பிக்கை இழந்தவர்களுக்கு ஓர் ஆறுதலான செய்தியாகும்.

இந்த மருத்துவமனை தொடங்க இருந்த கால கட்டத்தில், நமதூரின் தலைவர்களுள் ஒருவர் தொலைநோக்கோடு ஒரு பரிந்துரை செய்தாராம். அதாவது, இந்த 'ஷிஃபா' மருத்துவமனையைத் தஞ்சாவூரில் கட்டினால் நல்லதல்லவா? நம்மூர் மக்கள் வந்து தங்கித் தமக்குப் பிடித்த மருத்துவர்கள் மூலம் சிகிச்சை பெறுவார்களே. அதனால் பல டாக்டர்களின் தொடர்பு ஏற்படுமே என்பதெல்லாம் அப்பெரியவரின் ஆலோசனையாம். ஆனால், நம்மூர் மக்கள் வெளியூர்களுக்குப் போய் சிரமங்களை ஏற்கக் கூடாது; செலவினங்களைக் குறைக்கவேண்டும் என்றெல்லாம் கருத்துக்கொண்டு, எதிர்நீச்சல் போட்டு, மர்ஹூம் AMS முதலியவர்களால் இந்த மருத்துவமனை தொடங்கப் பெற்றதாம்.

அத்தகையோரின் நல்ல நோக்கங்கள் நிறைவேற நாமெல்லாம் பங்களிப்புச் செய்ய வேண்டாமா? எவ்வாறு பங்களிப்புச் செய்யலாம் என்றும், 'ஷிஃபா'வின் செலவினங்களை ஈடு செய்வதற்கு, இதன் வருமானத்தைப் பெருக்க என்னென்ன வழிகளைப் பின்பற்றலாம் என்றும் கருத்திடுங்களேன், பார்ப்போம்!

ஆக்கம்: அதிரை அஹ்மது

ஜித்தாவில் நடந்த இப்தார் நிகழ்ச்சி

2010-08-18T12:42:00.001+03:00

ஜித்தாவில் அய்டாவின் சார்பில், 17-08-2010 செவ்வாய்க்கிழமை அன்று இப்தார் நிகழ்ச்சி நடத்தப்பட்டது அது சமயம் பெரும்பாலான அதிரை சகோதரர்களும் சகோதரிகளும் குடும்பத்துடன் திரளாக கலந்து கொண்டு நிகழ்ச்சியினை சிறப்பித்தனர்,

சிறுமி நூருல் சபீலா க்ராஅத்துடன் நிகழ்ச்சி துவங்கியது, சகோ. ஜபருல்லாஹ் அவர்கள் நிகழ்ச்சிக்கு வந்திருந்தவர்களை வரவேற்று பேசினார், சகோ. சாகுல் ஹமீது அவர்கள் ரமலானின் முக்கிய கடமைகள் மற்றும் சிறப்புகள் பற்றி திருகுர்ஆன் ஆதாரத்துடன் விளக்கி பேசினார், சகோ. ரஃபியா நிகழ்ச்சியை தலைமை ஏற்று தொகுத்து வழங்கியதுடன், அய்டாவின் செயல்பாடுகள் பற்றி விளக்கமளித்தார், சகோ. அப்துல் அஜீஸ் நன்றி நவிழ, இரவு சிற்றுண்டியுடன் நிகழ்ச்சி இனிதே நிறைவடைந்தது.

நிகழ்ச்சி ஏற்பாடுகளை அய்டா நிர்வாகிகள் சிறப்பாக செய்திருந்தனர்

அய்டாவின் இப்தார் அழைப்பிதழ்

2010-08-14T14:48:00.004+03:00

குழந்தையைக் கொன்று ரத்தத்தைக் குடித்து..

2010-07-28T13:25:00.002+03:00

யாரோ மூடர்கள் சொன்னதை நம்பி, பால்மணம் மாறாத பச்சிளம் குழந்தையைக் கடத்தி... நரபலி கொடுத்து, ரத்தத்தைக் குடித்து... தலை வேறு உடல் வேறாகத் துண்டித்து, தூக்குவாளியில் கொண்டு சென்று வெவ்வேறு ஊர்களில் புதைத்து... அப்பப்பா அந்தக் கொடூரன் செய்த பயங்கரத்தை விவரிக்கும்போதே குலை நடுங்குகிறது!

மதுரை எஸ்.ஆலங்குளத்தைச் சேர்ந்தவர் சிரின் பாத்திமா. அவர் கணவர் திடீரென இறந்து போனதால் நிம்மதி வேண்டி, ஒண்ணரை வயதேயான மகன் காதர் யூசுப்புடன் மதுரை கோரிப்பாளையம் தர்காவில் தங்கி இருந்தார். நரபலி கொடுக்க தலைப்பிள்ளை தேடி ஊர் ஊராகச் சுற்றிக்கொண்டு இருந்த மந்திரவாதி அப்துல் கபூர், கடந்த 20 நாட்களுக்கு முன் இதே தர்காவுக்கு வந்தான். அங்கிருந்த பிஞ்சைக் கொன்றுதான் இந்த பஞ்சமா பாதகத்தைச் செய்திருக்கிறான் அந்தக் கொடூரன்!
தனக்கென ஆதரவாக இருந்த ஒரு குழந்தையையும் இப்படி அநியாயமாக அள்ளிக் கொடுத்த துக்கத்தில் துவண்டு கிடந்தார் சிரின் பாத்திமா. அவரை ஆறுதல் படுத்திப் பேச வைத்தோம்.

'என் வீட்டுக்காரர் கவுகர் பாட்ஷா கொத்தனார் வேலை செய்தார். நாலு மாசத்துக்கு
முந்தி ஆக்ஸிடென்ட்ல இறந்துட்டார். அந்த துக்கத்தை மறக்கமுடியாம மன நிம்மதிக்காக கோரிப்பாளையம் தர்காவில் தங்கியிருந்தேன். 2-ம் தேதி காலை 4 மணிக்கு எழுந்தப்ப பக்கத்துல படுத்திருந்த குழந்தைக்கு குளிருமேனு போர்வையால் போர்த்திட்டு மறுபடியும் படுத்தேன். ஒரு மணி நேரம் கழிச்சு, பாங்கு சொன்னாங்க. அப்ப எந்திரிச்சுப் பார்த்தா குழந்தையைக் காணோம். பதறிப்போயி தேடுனேன்...' என்று சொல்லிவிட்டுக் கதறியவர், 'நான் அங்கு தங்கி இருந்தப்பதான் அப்துல் கபூர் என் குழந்தையை எடுத்துக் கொஞ்சினான். குடும்பத்தைப் பத்தி அக்கறையா விசாரிச்சான். அந்தப் பாவி இப்படிப் பண்ணுவான்னு நினைச்சுக்கூட பார்க்கலையே...' என்றார்.

கோரிப்பாளையம் தர்கா டிரஸ்ட்டி பாஷல் பாட்ஷா, 'இந்த தர்காவுக்கு யார் வந்தாலும் அவர்களின் முழு முகவரியையும் பெற்றுக்கொண்டுதான் தங்குவதற்கு அனுமதி கொடுப்போம். கடந்த 30-ம் தேதி அப்துல் கபூர் ஒரு பெண்ணுடன் இங்கு வந்தான். தன் மனைவிக்கு கரு தங்காமல் அடிக்கடி அபார்ஷன் ஆகிவிடுவதாகவும், இங்கு 41 நாள் தங்குவதற்கு தனக்கு உத்தரவு வந்திருப்பதாகவும் சொல்லி அனுமதி கேட்டான். நாங்களும் அனுமதி கொடுத்தோம். ஆனால், குழந்தை காணாமல்போன அன்றே அவங்க இரண்டு பேரையும் காணவில்லை...'' என்றார்.
குழந்தையின் சித்தப்பா சாதிக் பாட்ஷாவை சந்தித்தோம். 'அப்துல் கபூர் மீது ஆரம்பத்துலேயே சந்தேகம் இருந்துச்சு. அவன் செல்போன் சுவிட்ச் ஆஃப் ஆகி இருந்ததால, அவன் கொடுத்த அட்ரஸ்படி காயல்பட்டினத்துக்குப் போனோம். அங்கிருந்தவங்க எங்களோட பேசுறதுக்கே தயங்குனாங்க. அந்த ஊர் இமாம் சொன்னதும்தான்... அப்துல் கபூரைப் பற்றி அந்த ஊர்ப் பெண்கள் கதை கதையா சொல்ல ஆரம்பிச்சாங்க. 'அவன் ஒரு அயோக்கியன். சொந்த வீட்லேயே திருடியவன். எங்க வீட்லயும் கைவரிசை காட்டி இருக்கான். தன் சொந்தப் பிள்ளையையே பணத்துக்காக வித்தவன். தன் நகை, பணத்தை எல்லாம் கொடுத்து அந்தப் பிள்ளையை மீட்ட அவனோட முதல் மனைவி விவாகரத்து வாங்கிட்டுப் போய்ட்டா. பெண்கள் விஷயத்திலும் ரொம்ப மோசமான ஆளு. வருடத்துல ஒரு மாதம்கூட வீடு தங்க மாட்டான். அவன் ஊருக்குள்ள வந்தாலே நாங்க கதவைப் பூட்டிக்கிருவோம். கிட்டத்தட்ட அவன் ஒரு சைக்கோதான்'னு அவங்க சொன்ன விவரங்களை மதுரைக்கு வந்து போலீஸ்கிட்ட சொன்னேன். போலீஸைக் கூட்டிட்டு கன்னியாகுமரி, முத்துப்பேட்டை, நாகூர், திருச்சி, சேலம்னு 15 ஊர்களில் உள்ள தர்காக்களில் அவனைத் தேடினோம். கிடைக்கலை. கடைசியில், நாங்க போகாத காயல்பட்டினம் அருகே உள்ள கல்லாமொழி தர்காவுலதான் போலீஸ் அவனை பிடிச்சிருக்கு!'' என்றார்.

மதுரை தல்லாகுளம் போலீஸாரிடம் கேட்டபோது, '22-ம் தேதி காயல்பட்டினத்தைச் சேர்ந்த யாரோ ஒருவர், சாதிக் பாட்சாவுக்கு போன் போட்டு, 'அப்துல் கபூர் ஊருக்கு வந்திருக்கிறான். உடனே வந்தா குழந்தையை மீட்டுடலாம்'னு சொன்னாங்க. உடனே அங்கே போனோம். அப்போ இரவு 8 மணி. 'அடடா...

கொஞ்சம் சீக்கிரம் வந்திருக்கக் கூடாதா? அவன் போய்ட்டானே'னு சொன்னாங்க. எங்கே போனான்னு விசாரிச்சப்ப, கல்லாமொழி தர்காவுக்கு போயிருக்கிறதா தெரிஞ்சுது. நாங்க ராத்திரி 11 மணிக்கு அங்க போயி சத்தம் போடாமல் மெதுவா ஆளைத் தேடினோம். தர்காவுக்கு பின்னால் இருந்த கடற்கரை பாதையில் அவன் ஒரு பெண்ணுடன் படுத்திருந்தான். அவனைப் பிடித்து, 'மரியாதையா குழந் தையைக் கொடுத்துரு'ன்னு மிரட்டினோம். கல்லு மாதிரி நின்னான். கடைசியில் குழந்தையை நரபலி கொடுத்துட்டதா சொல்லி திகில் கிளப்பிட்டான். குழந்தையின் தலையைப் புதைத்த இடத்துக்கு பக்கத்துலதான் அவங்க ரெண்டு பேரும் பயமில்லாம படுத்துருந்தாங்க...' என்றார்கள்.

தூத்துக்குடி மாவட்ட போலீஸாரோ, 'கைக் குழந்தையோட வந்த அப்துல் கபூர், ஏரலில் ஒரு லாட்ஜில் மூணு நாள் தங்குறதுக்கு ரூம் எடுத்திருக்கான். அங்க வெச்சுத்தான் குழந்தையை நரபலி கொடுத்திருக்கான். கழுத்தை அறுத்து ரத்தத்தை கணவனும் மனைவியும் குடிச் சிருக்காங்க. அப்புறம் தலையைத் துண்டிச்சு, அதை ஒரு தூக்குவாளியிலும், உடலை மற்றொரு தூக்குவாளியிலும் எடுத்துட்டு கல்லாமொழி தர்கா அருகே உள்ள ஆளில்லாத குடிசையில் ஏதோ பூஜை நடத்தியிருக்கான். பின்பு தர்கா, கடல், சூரியன் மூணும் ஒரே நேர்க்கோட்டில் இருக்கும்படி ஒரு இடத்தைத் தேர்வு செஞ்சு, அந்த இடத்துல பூஜை செய்திருக்கான். பூஜை முடிஞ்சதும் மற்றொரு தூக்குவாளியில் உடலை கொண்டுபோய் ஏர்வாடியில் வெச்சு பூஜை செஞ்சுட்டு அங்கயே புதைச்சிருக்கான்...' என்கிறார்கள்.

குழந்தையின் உடல் புதைக்கப்பட்ட வீடு, ராமநாதபுரம் மாவட்டம் ஏர்வாடி தர்கா அருகே காட்டுப்பள்ளி பகுதியில் உள்ளது. அந்த வீட்டை கடந்த மாதம் 20-ம் தேதி வாக்கில் அப்துல் கபூர் வாடகைக்குக் கேட்டிருக்கிறான். தர முடியாது என்று சொல்லியும், ஒரே ஒரு மாதம்தான் என்று கெஞ்சி வாடகைக்கு எடுத்திருக்கிறான். தளம் இல்லாத வீடு என்பதால் உள்ளேயே தோண்டி குழந்தையை புதைக்க ஏதுவாக அமைந்துவிட்டது.

அப்துல் கபூர் போலீஸில் கொடுத்துள்ள வாக்குமூலத்தில், 'ஏர்வாடி தர்காவில் தங்கியிருந்தபோது, கணவனை இழந்த ரமலாபீவியுடன் பழக்கம் ஏற்பட்டது. இருவரும் கணவன் மனைவியாக வாழ ஆரம்பித்தோம். அவளுக்கு கொஞ்சம் மனநிலை சரியில்லை. நான் எவ்வளவோ மாந்திரீகம் செய்தும் குழந்தையும் தங்கவில்லை. தலைக் குழந்தையை கொன்று நரபலி கொடுத்து அதன் உதிரத்தைக் குடித்து இப்படி எல்லாம் செய்தால், எனக்கும் மந்திர சக்தி அதிகரிக்கும். மனைவிக்கும் மனநிலை சரியாகி, குழந்தை பாக்கியம் கிடைக்கும்னு சொன்னார்கள். அதனால்தான் அப்படிச் செய்தேன்!' என்று அசராமல் சொல்லி இருக்கிறான்.

நன்றி,
ஜூனியர் விகடன்

காலணி கலவரம் வழக்கில் அப்பாவிகளை விடுவிக்க வேண்டுகோள்

2010-07-25T13:42:00.001+03:00

அஸ்ஸலாமு அலைக்கும் (வராஹ்)

முன்பு அந்த நாற்பது பேரில் நீங்களும் ஒருவரா? என்ற கட்டுரை "அதிரை எக்ஸ்பிரசில் வந்ததை சகோதர் மு.அ.ஹாலிது மூலம் அறிந்தேன்., இந்த வழக்கில் என்னைத்தான் முதல் குற்றவளியாக பொய்வழக்கில் சேர்த்தனர்., அதில் குற்றவளியாக புனையப்பட்ட அனைத்து அப்பாவி சகோதர்களையும் வழக்கிலிருந்து விடுவிக்க பலசிரமங்களுக்கு இடையில் பாடுபட்டேன் இதற்க்கு இறுதியாக செக்கடிமேட்டிலுள்ள தியாகி அப்பாஸ் ஹாஜியார் படிப்பகத்தை சேர்ந்த நண்பர்கள் குழுதான் முழு உதவி செய்தனர்., அல்ஹம்துலில்லாஹ்

அந்த உதவியின் மூலம் என்னுடன் வழக்கிற்கு ஒத்துழைத்த பதிமூன்று நபர்கள் வழக்கிலிருந்து விடுவிக்கப் பட்டனர். மீதமுள்ளவர்களுக்கும் தகவல் கொடுத்தும் எங்களுக்கு ஒத்துழைக்கவில்லை. பரவாயில்லை. இன்ஷா அல்லாஹ் இனி அவர்களுக்கு வாய்ப்புகள் அருகில் உள்ளது.

இனி அவர்கள் மேற்குறிப்பிட்ட வழக்கிலிருந்து விடுதலை பெற விரும்பினால்., இன்ஷா அல்லாஹ் நான் முழுபொறுப்பையும் ஏற்று வழக்கை முடிவுக்கு கொண்டுவர தயாராக இருக்கின்றேன்.

இவ்வழக்கில் குற்றம் சாட்டப்பட்டுள்ளவர்கள் என்னுடைய வழக்கறிஞர் திரு நடராஜன் அவர்களே உடனடியாக 9443295916 என்ற எண்ணில் தொடர்புக் கொண்டு வழக்கிற்கு ஒத்துழைத்தால் போதும் அவரிடம் இதைப் பற்றி (வழக்கறிஞர் அவர்களுக்கு) தகவல் விரிவாக கொடுக்கப்பட்டு விட்டது.

தங்களின் அன்புள்ள
சி. நா. அ. சரபுதீன்
சிட்னி
--

வேண்டாமே இந்த குறுக்கு வழி .

2010-07-24T13:44:00.000+03:00

அஸ்ஸலாமு அலைக்கும்,,,

போலி மதிப்பெண் சான்றிதழ்களை அரசு ஆரம்பத்திலேயே தடுக்க வேண்டும். இல்லையேல் நல்ல மாணவர்கள் பாதிக்கப்படுவார்கள். பல மாணவர்களின் பெற்றோர், போலி சான்றிதழ்கள் என தெரிந்தே வாங்கியுள்ளனர். பெற்றோரின் குறுக்குவழியால், விஷயம் தெரியாமலே சில மாணவர்கள் பாதிக்கப்பட்டுள்ளனர். பொறியியல் கவுன்சிலிங்கைப் போல, மருத்துவக் கவுன்சிலிங்கிலும் 10 மாணவர்கள், போலி மதிப்பெண் சான்றிதழ் கொடுத்து பிடிபட்டுள்ளனர். இந்த மோசடியில் ஈடுபட்ட மாணவர்களில் பெரும்பாலானோர், பிளஸ் 2வில் 80 சதவீத மதிப்பெண் வரை பெற்றுள்ளனர். ஆனால், மருத்துவப் படிப்பில் சேர ஆசைப்பட்டும், பொறியியலில் முன்னணி கல்லூரியில் விரும்பிய பாடப்பிரிவில் சேரவும் இந்த குறுக்கு வழியை முயற்சித்துள்ளனர். இதனால், மாணவர்களின் எதிர்காலமே கேள்விக்குறியாகியுள்ளது. மருத்துவம், பொறியியல் என எந்தவொரு உயர் கல்வி பெறுவதற்கும் பிளஸ் 2 மதிப்பெண்ணே முக்கியம். பிளஸ் 2-வில் கணிதம், இயற்பியல், வேதியியல், உயிரியல், வணிகவியல் உள்ளிட்ட பாடங்களின் மதிப்பெண் மிக முக்கியத்துவம் பெறுகிறது.பிளஸ் 2 பொதுத் தேர்வில் இந்த பாடங்களில் அதிக மதிப்பெண்ணைப் பெறாத மாணவர்கள், விடைத்தாள் மறு மதிப்பீடு, மறு கூட்டல் ஆகியவற்றுக்கு விண்ணப்பிக்கின்றனர். தமிழகத்தின் அரசு தேர்வுத் துறையில் விடைத்தாள் மறு மதிப்பீடு மிகவும் கவனமாக மேற்கொள்ளப்படுவதால் அதில் மதிப்பெண் மாற்றம் பெறுவது என்பது சிரமம்.அதனால் மாணவர்கள் சிலர் முக்கியப் பாடங்களில் அதிக மதிப்பெண் பெறுவதற்காக குறுக்கு வழியைப் பின்பற்றுகின்றனர். அவர்களால் இரவு, பகல் பாராமல் உண்மையிலேயே கடினப்பட்டு படித்து நல்ல மதிப்பெண் பெற்ற மாணவர்கள் பாதிக்கப்படுவார்கள் என்று பெற்றோர், ஆசிரியர்கள் கூறுகின்றனர். அண்ணா பல்கலைக்கழகம் தொழில் நுட்பத்தில் சிறந்து விளங்குவதாலும், அதில் ஏராளமான பேர் வேலை செய்வதாலும் போலிச் சான்றிதழ்கள் குறிப்பாக மதிப்பெண் சான்றிதழ்கள் பற்றி ஓரளவுக்குக் கண்டுபிடிக்க முடிகிறது. மற்றவற்றில் அப்படி இருக்குமா என்று சொல்வதற்கில்லை' சட்டப் பல்கலைக்கழகம், கால்நடை மருத்துவ அறிவியல் பல்கலைக்கழகம், வேளாண்மை பல்கலைக்கழகம், ஆசிரியர் கல்வியியல் பல்கலைக்கழகம் போன்றவற்றில் தொழில்நுட்பத் திறமையோ, தேவையான ஆள்களோ இல்லை என்றும் இவற்றில் பெரும்பாலும் மாணவர்கள் அளிக்கும் மதிப்பெண் சான்றிதழைத்தான் பெரிதாக நம்புகின்றனர் என்றும் கூறப்படுகிறது.தங்கள் பிள்ளைகள் பொறியியல், மருத்துவம் உள்ளிட்ட படிப்புகளில் சேர்ந்தால் போதும் என்று எதையும் அடகு வைக்கவும், கடன் பெறவும் தயாராகும் கணிசமான பெற்றோர்களுக்கு, பணம் கொடுத்து போலி மதிப்பெண் சான்றிதழ் பெறுவது பெரிய தவறாகத் தெரிவதில்லை.இது போன்ற செயல்களால் மாணவர்களுக்குப் பாடம் நடத்திய ஆசிரியர் சமுதாயத்துக்கும், லட்சக்கணக்கான மாணவர்களுக்குத் தேர்வு நடத்தி, விடைத்தாள்களைத் திருத்தி, தேர்வு முடிவுகளை வெளியிடும் அரசு தேர்வுத் துறைக்கும், அதற்கு செலவழிக்கும் பள்ளிக் கல்வித் துறைக்கும் மிகப் பெரிய இழுக்கு ஏற்படும். போலி மதிப்பெண் சான்றிதழ் கொடுத்து உயர் கல்வி நிறுவனங்களில் சேரும் மாணவர்களால் நாட்டுக்கு எப்படி நல்லது நடக்கும்.அடையாளம் காண்பது கடினம்: அரசு அதிகாரி ஒருவர் கூறியது:பி.இ., மருத்துவப் படிப்பு மாணவர் சேர்க்கையில் கண்டுபிடிக்கப்பட்டுள்ள போலி மற்றும் அசல் மதிப்பெண் சான்றிதழ்களுக்கு இடையே வேறுபாடு பெரிதாக இல்லை. காகிதத்தின் கனம், அதில் அச்சிடப்பட்டுள்ள எழுத்துகளின் அளவு, அதிகாரியின் கையெழுத்து என எல்லாமே ஒன்றாகவே இருக்கின்றன. அப்படியிருக்கும்போது அதில் அசல் எது? போலி எது? என்பதை சாதாரணமானவர்களால் எப்படி கண்டுபிடிக்க முடியும்' என்றார்.எனவே, மாணவர் நலனைக் காக்கவும், நாட்டின் நலனைக் காக்கவும் போலி மதிப்பெண் சான்றிதழ் விவகாரத்தைத் தடுக்க அரசு உறுதியான நடவடிக்கையை எடுக்க வேண்டும்; காவல் துறையும் தனது பங்கை அளிக்க வேண்டும். பெற்றோரும், மாணவர்களும் இது போன்ற குறுக்கு வழியை கையாலாமல் நேர்மையான வழியில்தான் அனைத்தையும் மேற்கொள்ள வேண்டும் என்பதே அனைவரின் விருப்பமாகும்.

அதிரை - சர்புதீன்

ஜமாலின் பிரிக்கப்படாத கடிதம்...!

2010-07-22T15:20:00.002+03:00

ஜமால்...

தமிழகத்தின் ஒரு கிராமத்திற்கும் நகரத்திற்கும் இடைப்பட்ட ஒரு ஊரில் பிறந்த இளைஞன், குடும்ப சூழலால் 10ஆம் வகுப்புக்கு மேல் தொடர முடியாமல் தன் வீட்டை அடமானம் வைத்து சவுதிக்கு புறப்படுகிறான்

ஆனால் சவூதி வந்த பிறகுதான் தெரிகிறது கொஞ்சமாவாது படித்தால்தான் நல்ல வேலையும் நல்ல சம்பளமும் கிடைக்கும் என்று, எனவே ஓரளவு செலவு செய்த தொகையை சம்பாதித்துக்கொண்டு தாயகம் திரும்பிவிடலாம் என தீர்மானிக்கிறான் 5 வருடங்கள் சவுதியிலேயே கழிகிறது

இப்பொழுது தன் பெற்றோருக்கு கடிதம் ஒன்று எழுதுகிறான் ஜமால்.அதில் தன் சவுதியை முடித்துக்கொண்டு ஊர் வருவதாக கூறியிருந்தான்,

அதற்கு அவன் வாப்பா எழுதும் பதில் கடிதத்தில்

“அன்புள்ள மகன் ஜமாலுக்கு இங்கு நான் உன் உம்மா தங்கை அனைவரும் நலம் அதுபோல் உன் நலம் மற்றும் உன் நன்பர்கள் நலம் அரிய ஆவல். நீ ஊர் வருவதாக எழுதி இருந்தாய் ரொம்ப சந்தோஷம் உன்னை காண நாங்கள் ஆவலாய் இருக்கிறோம் ஆனால் உன் உம்மா எதோ எழுத வேண்டுமாம்”

அதோடு ஜமாலின் உம்மா எழுதும் வார்த்தைகள் தொடர்கின்றது
“மகன் ஜமாலுக்கு நான் இங்கு நலம் உன் நலம் அறிய ஆவல், நீ சவுதியை முடித்துக்கொண்டு ஊர் வருவதாக எழுதியிருந்தாய்,ஒருபுறம் நம் வீட்டில் உள்ள எல்லோருக்கும் சந்தோசம் என்றாலும், நாம் குடியிருக்கும் வீடு பழைய வீடு, இன்றோ நாளையோ இடிந்து விழும் அளவில் உள்ளது. அதை இடித்துவிட்டு சிறிதாக நாம் தாங்கும் அளவில் ஒரு வீடு கட்டவேண்டிய கட்டாயத்தில் உள்ளோம் இந்த குடும்ப சுமைகளை சுமந்து கொண்டிருப்பவன் நீதான் ஆகவே இன்னும் கொஞ்ச நாள் அங்கேயே இருந்து நம் வீட்டையும் கட்டிவிட்டால் பின்பு நீ இங்கு வந்துவிடலாம். உன் சாதகமான பதிலை எதிர்பார்க்கும்
உன் உம்மா.”

கடிதத்தை படித்த ஜமால் ஒரு முடிவுக்கு வந்தவனாய் தன் பயணத்தை ரத்து செய்கிறான்.
வருடங்கள் கழிகின்றன அவன் தாய் நினைத்தபடி ஒருவழியாய் கஷ்டப்பட்டு வீடும் கட்டி முடித்தாகிவிட்டது, இப்பொழுது எப்படியும் நாடு திரும்பிவிடவேண்டும் என தீர்மானித்து தன் வீட்டிற்கு தெரியப்படுத்துகிறான்.

மீண்டும் பதில் வருகிறது ஜமாலின் பெற்றோரிடமிருந்து,

“அன்புள்ள ஜமாலுக்கு................ நீ ஊர் வருவதால் நாம் எல்லோரும் சந்தோசம் அடைவோம். ஆனால் நமக்கு மற்றுமொரு கடமை பாக்கி இருக்கிறது அது உன் தங்கை , அவள் திருமணத்திற்கு தயாராக இருக்கிறாள், அவளுக்கு ஒரு நல்ல இடத்தில் திருமணம் செய்து கொடுப்பது நம் கடமை ஆகவே அந்த பொறுப்பு உன்னிடம்தான் உள்ளது எனவே அதை சிந்தித்து ஊர் வரும் முடிவை தள்ளிப்போடுவது நல்லது”.

மீண்டும் ஜமாலின் பயணம் ரத்து, தன் தங்கைக்காக பொருள் பணம் சேர்க்கிறான் ஜமால், அவன் தங்கைக்கு நல்ல இடம் அமைவதாகவும் உடன் விடுமுறையில் ஊர் வரவேண்டும் என அவனுக்கு கடிதம் வருகிறது உடன் தன் நண்பர்களிடம் கடன் வாங்கிக்கொண்டு புறப்படுகிறான் ஜமால் மேலும் ஊரிலும் கடன் வாங்கி அவன் தங்கையின் திருமணமும் ஜமாலின்
திருமணமும் ஒரே நாள் நடக்கிறது. விடுமுறை முடிந்து சவூதி திரும்புகிறான் ஜமால்.

திருமண கடன் எல்லாம் முடிகிறது இதற்கிடையில் ஜமாலுக்கு ஒரு ஆண் குழந்தை பிறக்கிறது. இப்பொழுது ஊர் ஞாபகம் அவனை வாட்டுகிறது இப்பொழுதாவது ஊரில் செட்டில் ஆகவேண்டும் என தீர்மானிக்கிறான், இப்பொழுதும் ஒரு கடிதம் வருகிறது அனால் அக்கடிதம் அவன் பெற்றோரிடமிருந்தல்ல, அக்கடிதம் வந்தது அவன் மனைவியிடமிருந்து.

“அன்புள்ள கணவருக்கு..................... நீங்கள் ஊர் வரும் செய்தி அறிந்தேன் இத்தனை நாள் சம்பாதித்து உங்களுக்கென்று ஒன்றும் சேர்க்கவில்லை இப்பொழுது நமக்கு ஒரு குழந்தையும் ஆகிவிட்டது இப்பொழுது ஊர் வந்து நம் குடும்பத்திற்கு வழி என்ன இருக்கிறது நம் குழந்தையின் எதிர் காலத்தை மனதில் கொண்டு நீங்கள் அங்கேயே தொடர்வது நல்லது”.

ஜமாலின் சவூதி வாழ்க்கை மீண்டும் தொடர்கிறது இதற்கிடையில் ஒவ்வொரு முறையும், விடுமுறை நாட்கள் (vacation) குறைந்த நாட்களே அவன் வேலை செய்யும் நிறுவனத்தால் வழங்கப்படுகிறது. அவன் வயதும் இளமையும் சவுதியிலேயே கழிகிறது.
ஜமாலின் மகனும் வளர்கிறான், வருடங்கள் கடந்து போகின்றன.
+2 முடித்து மேற்படிப்புக்கு தயாராகிறான் ஜமாலின் மகன்.

இப்பொழுது ஜமாலின் மகனிடமிருந்து ஒரு கடிதம், அதில் , “அன்புள்ள வாப்பாவுக்கு................... நான் +2 வில் நல்ல மதிப்பெண் எடுத்து இருக்கிறேன் எனவே எனக்கு என்ஜினியரிங் படிக்க விருப்பமாய் உள்ளது உங்கள் சம்மதத்தை எதிர்பார்கிறேன்”.

கடிதத்தை படித்த ஜமால் மகனின் விருப்பத்தை நிறைவேற்ற விழைகிறான்

உழைக்கிறான் தன் குடும்பத்திற்காக, மகனின் என்ஜினியரிங் படிப்பும் முடிகிறது ஜமாலின் மகனுக்கு இந்தியாவிலேயே வேலையும் கிடைக்கிறது.
இப்பொழுது தீர்மானமாய் முடிவெடுத்துவிட்டான் ஜமால் சவுதிக்கு விடை கொடுப்பது என்று.
தன் பணிபுரிந்த நிறுவனம் மற்றும் தன் நண்பர்களின் பிரிவுபச்சரத்தோடு விமானத்தில் ஜமால்.

ஒவ்வொரு முறை விடுமுறையில் ஊருக்கு செல்லும்போதும் அவன் பெட்டியில் வீட்டுக்கு மற்றும் குடும்பத்தினருக்கு தேவையான் நிறைய சாமான்கள், அனால் இப்பொழுது அவன் பெட்டியில் நிறைய மருந்து மாத்திரைகள். ஆம், இத்தனை ஆண்டு வெளிநாட்டு வாழ்கையில் அவனுக்கென்று அவன் சம்பாதித்தது சர்க்கரை நோயும், இரத்தக்கொதிப்பு நோயும், கிட்னியில் கல்லும்தான் உடல் சோர்ந்து முடிகள் நரைத்து தாயகம் திரும்புகிறான் ஜமால்

இப்பொழுதும் அவன் சட்டைப்பையில் அவன் வீட்டிலிருந்து வந்த ஒரு கடிதம்.

ஆனால் அதை அவன் பிரித்து படிக்கவேயில்லை.

பழுதான நிலையில் தொழும் பள்ளி

2010-07-18T22:11:00.002+03:00

அதிரை ஆஸ்பத்திரிதெரு புதுப்பள்ளிவாசல் இடிக்கப்பட்டு புதிதாய் கட்டும் பனி, கடந்த ரமலான் முடிந்து துவங்கப்பட்டு நடைபெற்று வருவது அனைவரும் அறிந்ததே, இப்பள்ளி கட்டி முடிக்கப்படும் வரையில் தொழ ஏதுவாக தனியாக கொட்டகை பள்ளி ஒன்று சிறிதாய் கட்டப்பட்டது அது இப்பொழுது பழுதடைந்த நிலையில் முழுதும் இடிந்து விழும் நிலையில் உள்ளது, ஏற்கனவே புதிய பள்ளி கட்டுவதில் பல்வேறு சிக்கல்களை சந்தித்த இப்பள்ளிவாசல் நிர்வாகம் இப்பொழுது மற்றுமொரு பிரச்சனையை சந்தித்துள்ளது.

வகை வகையான இட்லி

2010-07-18T13:50:00.006+03:00

உங்கள் உடல் எடை சரியாக இருகிறதா...?

2010-07-17T15:25:00.000+03:00

ஒவ்வொருவருக்கும் தன் உடல் எந்த அளவில் இருக்க வேண்டும் என்ற தனிப்பட்ட எதிர்பார்ப்புக்கள் இருக்கும். ஆனாலும் மருத்துவ ரீதியாக ஒருவர் சுகதேகியாக இருக்க வேண்டுமானால் ஒருவர் இருக்க வேண்டிய உகந்த நிறை அவரின் உயரத்தைப் பொறுத்தே தீர்மானிக்கப் படுகிறது.

அதாவது ஒருவரின் உயரத்திற்கு ஏற்பவே அவர் உடல் நிறை பேணப்பட வேண்டும்

உங்கள் நிறை உங்களுக்குப் போதுமானதா என்ற சந்தேகம் உங்களுக்கு இருக்கும். இதை எவ்வாறு அறிந்து கொள்வது?

அதற்காக உடற் திணிவுச் சுட்டி(Body Mass Index ) என்ற அலகு பயன்படுத்தப் படுகின்றது . உங்கள் உடலின் உடற் திணிவுச் சுட்டியை கணிப்பதன் மூலம் உங்கள் உடல் நிறை உங்களுக்குப் போதுமா என்று அறிந்து கொள்ளலாம் .

உடற் திணிவுச் சுட்டி = உங்கள் உடலின் நிறை / உடலின் உயரத்தின் இரண்டு மடங்கு

அதாவது நீங்கள 70kg நிறையும் 160cm (1.6m) உயரமும் உடையவர் என்றால் உங்கள் உடற்தினிவுச் சுட்டி
= 70 /1.6 x 1.6
=27.3

இனி இந்த உடற்தினிவுச் சுட்டியின் மூலம் நமது நிறை நமக்குப் பொருத்தமானதுதானா என்று எப்படி அறிந்து கொள்வது?

மிகவும் இலகுவானது...

உங்கள் உடற் திணிவுச் சுட்டியை கணித்த பின் கீழே உள்ள அட்டவணையில் உள்ள படி உங்களின் நிலையை அறிந்து கொள்ளலாம்.
உங்கள் உயரத்திற்கு ஏற்ப நிறை போதாது (Underweight ) = <18.5
உங்கள் உடல் நிறை பொருத்தமானது (Normal weight )= 18.5-24.9
உங்கள் உடல் நிறை அதிகமானது (Overweight )= 25-29.9
உங்கள் உடல் நிறை அளவுக்கு அதிகமாகிவிட்டது (Obesity )= 30 அல்லது அதற்கு மேலே
அதாவது உங்கள் உடற்தினிவுச் சுட்டி 18.5 யை விட குறைவானது என்றால் நீங்கள் இன்னும் கொஞ்சம் நிறையை பெறவேண்டும் என்று அர்த்தம். 18.5 யிற்கும் 24.9 யிற்கும் இடையில் இருக்குமானால் உங்கள் நிறை உங்களுக்குப் பொருத்தமானது என்று அர்த்தம். 25 யிற்கும் அதிகமானால் உங்கள் உடல் நிறை அதிகமாகி விட்டது என்றும் , 30 யிற்கும் அதிகம் என்றால் நீங்கள் ஆபத்தான அளவுக்கு பருமனாகி விட்டீர்கள் என்றும் அர்த்தம். எனக்கெல்லாம் கணக்கு கொஞ்சம் வீக்கு என்று சொன்னீர்கள் என்றால் கீழே உள்ள லின்கிலே சென்று அங்குள்ள கணிப்பானில் உங்கள் உயரத்தையும் , நிறையையும் பதிவு செய்து உங்களின் உடற்தினிவுச் சுட்டியை (BMI) அறிந்து கொள்ளுங்கள். http://www.nhlbisupport.com/bmi/bmi-m.htm

சளி பிடிக்காமல் இருக்க

2010-07-14T13:01:00.000+03:00

சிலருக்கு அடிக்கடி சளி பிடிக்கும்.
அப்படிப்பட்டவர்கள் நாள்தோறும் தேன் உண்ணுவது மிகுந்த பயனுள்ளது.
அதில் வைட்டமின் 'c' இருக்கிறது.வைட்டமின் 'c' ஜலதோஷம் பிடிக்காமல்
தடுக்க உதவியாய் இருக்கிறது.

நன்றாக சளி பிடித்துக் கொண்டு மூக்கு ஒழுகத்தொடங்கினால்
மிளகை நன்றாக இடித்து தூள் ஆக்கி வத்துக்கொண்டு தேனில் கலந்து மூன்று
முறை ஒவ்வொருநாளும் சாப்பிட்டு வர இரண்டு நாளில் சரியாகப்போயிரும்

சாதிக்கப்போவது யாரு...?

2010-06-29T13:17:00.000+03:00

தங்களால் மட்டுமே சாதிக்க முடியும், எங்கள் பள்ளிகளில்தான் நூற்றுக்கு நூறு சதவீதம் தேர்ச்சி கொடுக்கமுடியும் என்று பெருமை அடித்துக்கொள்ளும் தனியார் பள்ளிகளுக்கு நாங்கள் என்றும் சளைத்தவர்கள அல்ல என்பதை நிரூபிக்கும் வகையில் சமீபத்தில் வெளிவந்த பத்தாம் வகுப்பு பொது தேர்வு முடிவுகள் தெரிவிக்கின்றன.
திருநெல்வேலி மாவட்டத்தை சேர்ந்த அரசு பள்ளி மாணவி சகோதரி ஜாஸ்மின் மாநிலத்திலேயே முதல் மதிப்பெண் எடுத்தார். இதனால் மற்ற அரசுப்பளிகளும் மற்றும் அரசு உதவி பெரும் பள்ளிகலும் தங்கள் காலரை தூக்கி விட்டுகொண்டுள்ளன.
இதை பறை சாற்றும் வகையில் நமதூர் காதிர் முகைதீன் ஆண்கள் மற்றும் பெண்கள் மேல்நிலை பள்ளிகளும் தங்கள் மாணவ, மாணவிகளுக்கு தந்த சரியான பயிற்றுவிக்கும் முறையால், நூற்றுக்கு நூறு சதவீத தேர்ச்சியை காண முடிந்தது, இதில் மாணவிகள், மாணவர்களைவிட திறமைசாலிகள் என்பதை மீண்டும் நிரூபித்தனர்.
கையில் கொஞ்சம் வசதி இருந்தால் மட்டுமே பயில முடியும் என்ற சூழலில் உள்ள இமாம் ஷாஃபி (ரஹ்) மெட்ரிகுலேஷன் பள்ளியின் நிலை என்ன? ஆங்கிலத்தில் தம் பிள்ளைகள் பேசலாம், பயிற்றுவிப்பு முறையில் உயர்தரம் இருக்கும் மேலும் மேற்படிப்புக்கு இலகுவாக இருக்கும் என்பதால் பெற்றோர் தம் பிள்ளைகளுக்கு இது போன்ற தனியார் பள்ளிகளை தேர்ந்தெடுக்கின்றனர். ஆனால் எதில் தவறு நடக்கிறது என்று தெரியாமலேயே இதன் தேர்ச்சி விகிதம் சமீபத்தில் குறைந்து வருவது ஏன்?
பிள்ளைகள் பயில்வதற்கு , பெற்றோருக்கு நேர்முக தேர்வு, மற்றும் பலவிதமான வகையில் மாணவர்களுக்கும் தேர்வு நடத்தி பள்ளியில் சேர்கின்றன சில தனியார் கல்வி நிறுவனங்கள், அவ்வாறு சேர்க்கப்படும் மாணவர்கள் சரியாக படிக்கவில்லை என்றால் தானாகவே பள்ளியை விட்டு வெளியேறும் அளவுக்கு நெருக்கடி கொடுத்து அவர்கள் பள்ளியிலிருந்து வெளியாக்கப்படுகின்றனர் .
இதற்க்கு உதாரணம் சென்னையில் உள்ள ஒரு தனியார் பள்ளியில் 8 ஆம் வகுப்பு வரை பயின்ற மாற்றுதிறன் கொண்ட மாணவனுக்கு சரியாக கல்வியில் நாட்டமில்லாமல் மிக குறைந்த மதிப்பெண்ணே எடுக்கும் காரணத்தால் அந்த மாணவனோடு யாரையும் அண்டவிடாமல் அவனுக்கு பைத்தியம் என்று கூறி வகுப்பிலும் தனிமை படுத்தப்பட்ட சூழலில் அந்த மாணவன் தானாகவே பள்ளியைவிட்டு விலகும் அளவுக்கு மன ரீதியாக நெருக்கடி கொடுத்திருக்கிறது. இதனால் மனம் நொந்த அந்த மாணவனின் பெற்றோர் அரசு பள்ளியை நாடியிருக்கின்றனர் எந்த மறுப்பும் தெரிவிக்காமல் அரசுப்பளியில் சேர்த்திருக்கின்றனர் இப்போது நடந்து முடிந்த 10ஆம் வகுப்பு பொது தேர்வில் 60சதவீத மதிப்பெண் பெற்று தேரியிருக்கிறான் அந்த மாணவன். அப்படியானால் 5 மதிப்பெண்கூட எடுக்கமாட்டன் என்று தனியார் பள்ளி ஒதுக்கிய அந்த மாணவனுக்கு 60 சதவீத மதிப்பெண் எப்படி கிடைத்தது?. அப்படியானால் சராசரி மாணவர்களுக்குகூட பயிற்றுவிக்கும் வகையில் தனியார் பள்ளிகளின் ஆசிரியர்களுக்கு திறமை இல்லையா?.
தான்தான் சரியாக படிக்கவில்லை தன் பிள்ளைகளாவது நன்றாக படிக்கவேண்டும் என்ற ஆசையில் தனக்கு தகுதி, வசதி இருக்கிறதோ இல்லையோ ஆனால் தன் பிள்ளைகளின் எதிர்காலத்தை மனதிற்கொண்டு எப்பாடு பாட்டாவது கல்விக்காக செலவு செய்ய தயாராக இருக்கின்றனர் நடுத்தர பெற்றோர்கள்.
இமாம் ஷாஃபி (ரஹ்) மெட்ரிகுலேஷன் பள்ளியின் நிர்வாகிகள், நமதூரின் எதிர்காலத்தையும், மாணவர்களின் எதிர்காலத்தையும் நிறையவே சிந்திப்பவர்கள் வெளியில் தெரியாத சேவைகளை செய்து வருபவர்கள், இதை மனதில் கொண்டுதான் பேராசிரியர் பரகத் அவர்களை முதல்வராக தேர்ந்தேடுத்திருக்கின்றனர் இதற்க்காக இந்நிர்வாகம் நன்றிக்கும் பாராட்டிற்கும் உரியவர்கள்.
பேரா. பரகத் அவர்கள், அக்காலம் முதலே மாணவர்களின்மீது நல்ல அக்கறையும் ஆக்கப்பூர்வமான் அறிவுரைகளும் வழங்கி வருபவர் மேலும் மிகச்சிறந்த பொது நல சேவகரும் கூட, இவர் இப்பள்ளிக்கு, எல்லோரும் மெச்சும் அளவுக்கு ஒரு புதிய மாற்றத்தை ஏற்படுத்துவார் என்றே நம்புகிறோம். இது இப்பள்ளியில் பயிலும் மாணவர்களின், பெற்றோர்களின் ஆசை.

இவ்வருடம் சாதிக்கப்போவது யார் இமாம் ஷாஃபி (ரஹ்) மெட்ரிகுலேஷன் பள்ளியா?, காதிர் முகைதீன் மேல்நிலை பள்ளியா?.
எல்லா பள்ளிகலுமே சாதிக்கவேண்டும் என்பதுதான் நம் அனைவரின் ஆசையும்.
வல்ல அல்லாஹ் நம் எல்லா மாணவர்களுக்கும் இவ்வுலக மறுவுலக கல்வியிலும் வாழ்விலும் வெற்றியை தருவானாக ஆமீன்.

மூ‌ட்டு வ‌லியை முட‌க்‌கி ‌விடு‌ங்க‌ள்

2010-06-01T22:36:00.000+03:00

த‌ற்போது நா‌ம் செ‌ய்யு‌ம் வேலை அமை‌ப்பு‌ம், உ‌ட்காரு‌ம் ‌நிலையு‌ம், கு‌திகா‌ல் கொ‌ண்ட செரு‌ப்புகளு‌ம் என மூ‌‌ட்டு‌க்களை பாழ‌ா‌க்கு‌ம் பல பழ‌க்க வழ‌க்க‌ங்க‌ள் ந‌ம்‌மிட‌‌ம் உ‌ள்ளன.

மூட்டுவலி தோன்றுவதற்கு முக்கிய காரணம் எ‌ன்னவெ‌ன்றா‌ல் மூட்டுகளில் தோன்றும் அழற்சியே ஆகு‌ம். மூட்டுகளில் உரா‌ய்‌வு ஏ‌ற்படாம‌ல் தடு‌க்க இய‌ற்கை‌யிலேயே பசை போ‌ன்ற அமை‌ப்பு படி‌ந்து உ‌ள்ளது. ஆனா‌ல் மூ‌ட்டுக‌ளி‌ல் உள்ள பசை போன்ற திரவம் குறையும்போது எலும்புகள் நேரடியாக உரச ஆரம்பி‌க்‌கி‌ன்றன.

இது ஆர‌ம்ப‌க் க‌ட்ட‌த்‌தி‌ல் இரு‌க்கு‌ம் போது மூ‌ட்டு வ‌லி துவ‌ங்கு‌கிறது. பசை குறை‌ந்து இர‌ண்டு ‌மூ‌ட்டுகளு‌ம் உரா‌ய்வது தொடரு‌ம் போது மூட்டுகள் தேய்ந்து விடவும் வாய்ப்புள்ளது.

இதனால் மூட்டு வாத நோய் ஏ‌ற்ப‌ட்டு கடுமையான வலி உ‌ண்டா‌கிறது. நட‌க்கு‌ம் போது ஏ‌ற்படு‌ம் மூ‌ட்டு வ‌லி‌க்கு நடைப்பயிற்சிதா‌ன் சிறந்த மருந்து.

கீரை மற்றும் காய்கறிகளும் மூட்டுகளை பாதுகாக்கும். அதிகமான மாத்திரைகள் அல்லது முறையான ஆலோசனை இல்லாத மருந்துகளை தவிர்க்கவும். தினமும் காலையில் இருபது நிமிடங்கள், மூட்டுகளுக்கென பயிற்சி செய்யுங்கள்.

பைத்துல்மால் குர்ஆன் மாநாட்டுத் துளிகள் (மூன்றாம் நாள்)

2010-05-31T14:54:00.000+03:00

•காலை 9:30 மணி முதல் மாநாட்டு மேடையில் சிறார் சிறுமிகளுக்கான விநாடி-வினா மற்றும் போட்டிகள் நடைபெற்றன.

•பகல் 12:00 - அஸர் தொழுகை முடியும்வரை மதிய உணவு இடைவேளை விடப்பட்டது.

•அஸர் தொழுகைக்குப் பிறகு சிறுமிகளின் இனிய குரலில் கிராஅத் மற்றும் இஸ்லாமியப் பாடல்களை மேடையில் நடந்தன.

•மாலை 4:30 மணிமுதல் மாநாட்டு நிகழ்வுகளை அதிரை எக்ஸ்ப்ரஸ் மற்றும் அதிரைமீடியா.காம் இணைய தளங்களில் நேரடி ஒளிபரப்பு தொடங்கியது.

•அதிரை வரலாற்றிலேயே இதுபோன்ற மாநாட்டுக்காட்சிகளை உலகெங்கும் பரவியுள்ள அதிரைவாசிகள் இணையம் வாயிலாக தெள்ளத்தெளிவாக நேரடியாக ஒலி/ஒளிபரப்பியது இதுவே முதல்முறை என்று மாநாட்டுக்கு வந்திருந்தவர்களும், நேரலையாகக் கண்டு ரசித்தவர்களும் தெரிவித்தார்கள்.

•மாலை 5:00 மணிக்கு வேலூர் மக்களவைத் தொகுதி உறுப்பினரும் நமது அண்மையூர் முத்துப்பேட்டையைச் சார்ந்த சகோதரர்.ஜனாப். அப்துல் ரஹ்மான் M.P., அவர்கள் மேடைக்கு வந்தார்கள்.

•பார்வையாளர்கள் வரிசையில் அமர்ந்திருந்த முன்னாள் உயர்நீதிமன்ற நீதிபதியும், காதர் முஹைதீன் கல்விக்குழுமங்களின் சொத்துக்களை மூன்றாண்டுகளாக நிர்வகிக்க அரசாங்கத்தால் நியமிக்கப்பட்ட மாண்புமிகு முன்னாள் நீதிபதி ஜனாப். அப்துல் ஹாதி அவர்களை மாநாட்டுக்குழுவினர் மேடைக்கு அழைத்து கவுரத்தார்கள்.

•மூன்று திசைகளிலும் மாநாட்டு பந்தலில் ஆண்-பெண் பார்வையாளர்களால் நிரம்பி வழிந்தன.அதிரை எக்ஸ்ப்ரஸ் குழுவினரின் கணிப்பின்படி 5000+ பேர் மாநாட்டுப்பந்தலில் அமர்ந்திருந்தனர்.

•ஏற்கனவே ஏற்பாடு செய்யப்பட்டிருந்த இருக்கைகள் போதாத காரணத்தால் மேலும் 300 ப்ளாஸ்டிக் இருக்கைகள் வரவழைக்கப்பட்டன.

•பெண்கள் பகுதியில் இருக்கைகளுடன் கூடுதலாக தரைவிரிப்பு (பாய்) விரிக்கப்பட்டிருந்தது. மாநாட்டு மேடையிலிருந்து பெண்கள் மதரஸா வரையிலும், கிழக்குப்பக்கம் ஆலடித்தெரு இடைப்பகுதி வரையிலும் மேடை முன்பாக செக்கடிமேடு வரையிலும் பார்வையாளர்கள் கூட்டம் நிரம்பி வழிந்தன. (அல்ஹம்துலில்லாஹ்).

•மஃரிப் தொழுகைக்கு முன்னதாக மூன்றாம்நாள் மாலை நிகழ்வின் தொடக்கமாக பேராசிரியர். அப்துல்காதர் அவர்கள் மர்ஹூம் உமர்தம்பி அவர்களின் தேனீ ஒருங்குறி எழுத்து மற்றும் ஆக்கங்களின் சிறப்பை மாநாட்டு மேடையில் எடுத்து இயம்பினார். அதிரைவாசிகள் பலருக்கும் மர்ஹூம் உமர்தம்பி அவர்களின் சாதனையை மீண்டும் நினைவுறுத்தியும், ஜூன் மாதம் நடைபெற உள்ள உலகத் தமிழ் செம்மொழி மாநாட்டில் தமிழ் கணிமையில் சாதனை படைத்தவர்களுக்கு 'உமர்தம்பி' பெயரில் விருதுகள் வழங்கி கவுரவிக்கும்படி தமிழக முதல்வருக்குக் கோரிக்கை வைக்கப்பட்டது.

•சிங்கை வானொளி தொகுப்பாளர் சகோ.சதக்கத்துல்லாஹ் அவர்களின் உமர்தம்பி அவர்களைப் பற்றிய புகழாஞ்சலி ஒலிப்பதிவும் மேடையில் ஒலிபரப்பப்பட்டது.

•மாநாட்டு அரங்கில் 3 மடிக்கணினிகளில் (லேப்டாப்) மாநாட்டு நிகழ்வுகள் கண்காணிக்கப்பட்டு, நேரடி ஒலி/ஒளிபரப்பு குறித்த கருத்துக்கள் உடனுக்குடன் பெறப்பட்டு ஒளிபரப்பு தவறுககள் குறைகள் உடனுக்குடன் நிவர்த்தி செய்யப்பட்டன. (அல்ஹம்துலில்லாஹ்)

•மஃரிப் தொழுகை இடைவேளைக்குப் பிறகு ஜனாப்.அப்துல் ரஹ்மான் M.P., அவர்கள் மார்க்கமும் அரசியலும் கலந்த எழுச்சிமிகு உரையாற்றி மாநாட்டு பேச்சாளர்களையே அசத்தினார். குர்ஆன் வசனங்களை தேர்ச்சிபெற்ற மவ்லவியைப்போல் மேற்கோள் காட்டிப் பேசியது பார்வையாளர்களுக்கு அவர்மீதான நம்பிக்கையையும் எதிர்பார்ப்பையும் அதிகரித்தது என்றால் மிகையில்லை.

•ஜனாப்.அப்துல் ரஹ்மான் M.P அவர்களிடம் நமதூர் வழியாக சென்னைக்குச் சென்று வந்த கம்பன் எக்ஸ்ப்ரஸ் மீண்டும் இயக்கப்பட சம்பந்தப்பட்ட அரசு இயந்திரங்களுக்கு உரியமுறையில் தெரிவிக்கக் கோரியதை பேரா.அப்துல் காதர் மிகச்சரியான நேரத்தில் எடுத்துரைத்ததை ஏற்றுக்கொண்டதோடு, இன்ஷா அல்லாஹ் விரைவில் அதற்கான ஏற்பாடுகள் தொடங்கப்படும் என்றதோடு, முத்துப்பேட்டை மற்றும் அதிரை மக்களை நான் தனித்தனியாக பார்க்கவில்லை இருவரின் சார்பில் ஏற்கனவே அதற்கான அமைச்சக அதிகாரிகளை முடுக்கிவிடுவதற்கான நடவடிக்கைகள் செய்துள்ளதாகச் சொன்னார்கள். (ஜஸாகல்லாஹ்)

•பேசி முடிந்ததும் மேடையில் அதிரை எக்ஸ்ப்ரஸ் வாசகர்கள் சார்பில் அதிரை உமர்தம்பி அவர்களுக்கு செம்மொழி மாநாட்டில் உரிய அங்கீகாரம் வழங்கக்கோரி தமிழக முதலவ்ருக்குத் தெரிவிக்கும்படி எழுத்துப்பூர்வமாக கோரிக்கை மணு கொடுக்கப்பட்டது. அதையும் இன்ஷா அல்லாஹ் விரைவில் தெரிவிப்பதாக உறுதியளித்துள்ளார்கள்.

•நமதூர் காதிர் முஹைதீன் பெண்கள் மேல்நிலைப்பள்ளியில் SSLC தேர்வில் 482 மதிப்பெண்கள் பெற்று அதிரை பள்ளிகளிலேயே முதலிடம் பெற்ற கரையூர் தெருவைச் சேர்ந்த மாணவி R. இந்துமதி மாணவிக்கு நமதூர் மாஜ்தா ஜுவல்லரி சார்பில் பைத்துல்மால் நிர்வாகிகளில் ஒருவரான ஜனாப்.O.K.M.சிப்ஹதுல்லாஹ் அவர்கள் தங்க மோதிரம் ஒன்றை மாநாடு மேடையில் வழங்கி சிறப்பித்தார்கள்.

•இஷாத் தொழுகைக்கான இடைவேளைக்குப் பிறகு அதிரை எக்ஸ்ப்ரஸ் வாசகர்கள் முனைவர் அப்துல்லாஹ் (முன்னாள் பெரியார்தாசன்) அவர்களிடம் ஈமெயில் மற்றும் பின்னூட்டங்கள் மூலம் கேட்ட கேள்விகளுக்கு விரிவான பதில் மேடையில் சொல்லப்பட்டது. நேரம் பற்றாத காரணத்தால் 6-7 கேள்விகளுக்கே பதில் பெறப்பட்டது. எஞ்சியவை மாநாட்டு சிறப்புரையில் இணைத்துக்கொள்ளப்படும் என்றதோடு, முனைவர் அப்துல்லாஹ் அவற்றையும் மறக்காது சுமார் 1:30 மணிநேரம் தனது நகைச்சுவை கலந்த இஸ்லாமியச் சொற்பொழிவாற்றினார்.

•இறுதியாக உரையாற்ற அழைக்கப்பட்ட மெளலவி M.முஹம்மத் மன்சூர் காஷிஃபி (இமாம், மஸ்ஜித் ஆயிஷா, புரசைவாக்கம் - சென்னை) "திருமறை கூறும் அறிவியல் உண்மைகள்" என்ற தலைப்பிலிருந்து விலகி நிகழ்ச்சித் தொகுப்பாளர் பேரா.அப்துல் காதர் மற்றும் நமதூர் கல்விநிறுவனம் குறித்து குறைக்கூறிப் பேசியது மாநாட்டுக்கு வந்திருந்தவர்களுக்கும் மாநாட்டுக் குழுவினருக்கும் அதிர்ச்சியாக இருந்தது.

•மெளலவி M.முஹம்மத் மன்சூர்காஷிஃபி அவர்களின் மேடை நாகரிகமற்றப் பேச்சு வந்திருந்த மாற்றுமதப் பார்வையாளர்கள், உளவுத்துறை அதிகாரிகள், பத்திரிக்கையாளர்கள் அனைவரும் முகம் சுழிக்கும்படி இருந்தது, நன்கு படித்த மார்க்கமறிந்த மெளலவியின் முதிர்சியின்மையைக் காட்டியதாக பார்வையாளர்கள் தரப்பிலிருந்து அறியப்பட்டது.

•இறுதியாகக் கிடைத்த சொற்ப நேரத்தில் மாநாட்டு போட்டிகளில் வென்றவர்களுக்கு பரிசுகள் வழங்கப்பட்டன. வெற்றி பெற்ற சிறார்களை நள்ளிரவுவரை காத்திருக்க வைத்தது தவிர்க்கப்பட்டிருக்கலாம் என்று சில பெற்றோர்கள் சார்பில் தெரிவிக்கப்பட்டாலும், இடம் பொருள் ஏவல் அறிந்து நிலைமையை உணர்ந்து மேடையில் பரிசு பெறுவதற்குத் தவறியவர்களுக்கு இன்று பைத்துல்மால் அலுவலகத்தில் வைத்து பரிசுகள் வழங்கப்பட்டன.

•பலநிறைகளும், சில குறைகளும் இருந்தாலும் வழக்கம்போல் திருக்குர்ஆன் மாநாடு அதிரைவாசிகளுக்குப் பயனுள்ளதாக அமைந்ததோடு, நமது முக்கிய கோரிக்கைகளான சென்னைக்கு அகல இருப்புப்பாதை மற்றும் உமர்தம்பி அவர்களுக்கு தமிழக அரசின் அங்கீகாரம் ஆகியவற்றை உரியவர்களிடம் கொண்டுசெல்ல அதிரை பைத்துல்மால் மற்றும் அதிரை எக்ஸ்ப்ரஸ் சார்பில் நடவடிக்கை எடுக்கப்பட்டுள்ளன.

•மறக்காமல் மாநாட்டு நிகழ்வுகள், நேரலை ஒளிபரப்பு மற்றும் பொதுவான கருத்துக்களை பின்னூட்டங்களாக இப்பதிவில் தெரிவித்தால் மேலதிக தகவல்கள் இன்ஷா அல்லாஹ் அடுத்தடுத்த பதிவுகளில் பகிர்ந்து கொள்ளப்படும்.

நன்றி அதிரை எக்ஸ்ப்ரஸ்